Vitoria no último segundo para o Chantada Atlético e contundente con goleada do Calasancio

GRUPO 1A

O Calasancio segue na senda da victoria e esta fin de semana volveu anotarse un novo triunfo para manterse na loita polo ascenso. O equipo dos Escolapios venceu con comodidade ao Velle por 6-0. Con este resultado segue xunto a UD Ourense B e Rúa empatado a puntos con seis vitorias e 1 derrota.

O Calasancio meteu o seu primeiro tanto no minuto 10, resultado co que se foi ao descanso. Tras un segundo gol no minuto 58 non sería ata o 75 cando comezou un golpeo continuo ao rival, cos catro último tantos en 9 minutos. Adrián, cos catro goles desta xornada queda como o mellor da provincia na listaxe de pichichis, terceiro na xeral por detrás de Raúl da Purísima e Hugo do Rúa.

Vitoria moi traballada e dfícil para o Chantada Atlético no campo do Ribadavia. Partido moi cambiante no que os vermellos comezaron gañando con dous goles a favor na primeira parte. Xusto a volta recuperou terreo o conxunto local, que levou a vantaxe ata o 4-2.

Reaccionaron os atléticos, que se auparon de novo no marcador ata o 4-4 no minuto 86 para marcar o gol da vitoria sobre o pitido final.

Tensión para os visitantes que acumularon oito tarxetas, unha delas para o adestrador, a maior parte no tramo final. Incluso Marcos, no minuto final, foi fóra por dobre sanción. Finalmente, suman tres puntos que lles permiten estar máis preto da zona segura.

Consulta a clasificación aquí

O SD Chantada sumou a segunda vitoria da tempada para seguir subindo na táboa clasificatoria. A vitoria foi ás costas do Quiroga, que segue pechando a listaxe con só un punto dun empate. O primeiro tanto do Chantada foi en propia porta aos 5 minutos do comezo. 

Seguiría o marcador sen actualizarse ata o tramo final do duelo, cando o Quiroga empatou. Duraríalle pouco a ledicia aos visitantes, xa que na segunda xogada o Chantada volveu poñerse por diante e a 3 minutos do final coroarían os vermellos o marcardor co 3-1.

Na quenda das derrotas, está tamén o Monforte, que rompeu unha estupenda xeira de vitorias tras caer co Barco, equipo con que competía por posición na táboa e ante o que cedeu terreo. Os monfortinos pasaron factura a un gol madrugador, que chegou no minuto 1. Os outros tres entraron antes da pausa e na segunda o Monforte non foi quen de remontar. Finalizou o partido con dúas expulsións por vermella, unha para cada equipo.

RIBADAVIA 4 - 5 CHANTADA ATL. 

CHANTADA 3 - 1 QUIROGA

CALASANCIO 6 - 0 VELLE

BOSCO 4 - 0 MONFORTE

GRUPO 1B

O Calasancio B foi contundente no seu resultado desta fin de semana ao vencer ao Polígono San Ciprián por 0-4. Malia o resultado avultado, non se abriu o marcador ata a segunda metade, no minuto 65. Despois chegaron os tantos cun intervalo de 5 minutos e o último deles consecuencia dun penalti. O equipo B está a dous puntos do grupo do ascenso e encadea catro vitorias consecutivas.

Consulta a clasificación aquí

POLÍGONO SAN CIPRIÁN 0 - 4 CALASANCIO B