Esta xornada a provincial citou a duelo aos mellores de cada grupo

Grupo 1

Poucos cambios na lista do grupo 1 a falta de tan só seis xornadas para pechar a liga regular. Ao Lugo B non hai quen o baixe do liderado, séguelle o Milagrosa e precisamente estes dous equipos tiñan que enfrontarse esta fin de semana. Os dous albivermellos adiaron o seu encontro para o vindeiro día 20 ás 19:30 no Luís Gorgoso. O Burela descansou esta xornada, co que os tres integrantes do podio non pisaron o verde.

No cuarto posto o Ceosport conseguiu os tres puntos na casa vencendo ao Guitiriz por 4-2. Un choque igualado na primeira metade que os locais desempataron con goles de Marco C e Pedro tralo descanso. O Porto Burela, que tamén gañou o sábado empata a 47 puntos co Ceosport. Os verdes impuxéronse ao Viveiro B a domicilio cun marcador de 2-5 despois de pasar polas táboas dúas veces no partido. Con 42 puntos está o Ribadeo, que gañou por sexta vez na casa ao superar ao Vilalbés B cunha diferenza de tres goles.

O Lourenzá, no número sete da clasificación, levouse os tres puntos para a Mariña cun triunfo ante a Comercial B. Os goles de Lucas e Michael déronlles a vitoria. O Castro conseguiu superar pola mínima ao Foz grazas ao gol de Iván no minuto 78. No caso do Polvorín B, asinou a maior goleada da xornada ao marcarlle un 7-1 á Piringalla B.

Consulta a clasificación aquí 

CEOSPORT 4 - 2 GUITIRIZ 

FOZ 1 - 2 CASTRO

VIVEIRO B 2 - 5 PORTO BURELA

RIBADEO 4 - 1 VILALBÉS B

POLVORÍN B 7 - 1 A PIRINGALLA B

COMERCIAL B 0 - 2 LOURENZÁ

Grupo 2

No grupo 2 si se celebrou o encontro entre o primeiro e o segundo clasificado. A Piringalla recibiu ao Polvorín no Luís Gorgoso e malia competir ben non puido dobregar a superioridade do líder, que se acabou levando o encontro por 4-0.v O Sagrado Corazón, terceiro, conseguiu tamén superar á Sarriana a domicilio. Os brancos adiantáronse e fóronse ao descanso cun 2-1 grazas a un penalti, pero a volta o Sagrado remontou e levouse a vitoria por 2-4.

O Becerreá segue coa mirada no podio, cun punto menos que o terceiro. Levan seis vitorias consecutivas tras gañarlle ao Casás por 2-3 na Cheda. Un igualado encontro no que Iván lle deu os tres puntos aos vermellos. O Residencia B e o San Roque levan tamén unha boa xeira, con catro vitorias consecutivas. Ambos conseguiron esta xornada dúas goleadas ante o Monterroso e o Gimnástica, respectivamente.

Despois de dúas derrotas, o Palas deu a sorpresa cun triunfo a domicilio ante o Antas, tres postos por riba deles. Na primeira metade xa ían 0-5 e aínda que os locais reaccionaron facendo catro goles na segunda metade, non foi suficiente. Tamén rompeu coa mala xeira o Corgo, que foi mellor que a Comercial no Rodríguez Lago e pechou o marcador cun 0-3. A Ferroviaria e o Ceosport Lucense B séguense na lista nos postos doce e trece e pecharon a xornada cun empata a un. 

Consulta a clasificación aquí 

 A PIRINGALLA 0 - 4 POLVORÍN

COMERCIAL 0 - 3 CORGO

 CASÁS 2 - 3 BECERREÁ

 RESIDENCIA B 7 - 1  MONTERROSO

 ANTAS 4 - 6 PALAS

SARRIANA 2 - 4 SAGRADO CORAZÓN

SAN ROQUE 11 - 0 GIMNÁSTICA LUCENSE

FERROVIARIA 1 - 1 CEOSPORT B