O Escairón amosa a súa fame de Preferente cunha goleada na casa sobre o Xove Lago

Os do Altético seguen á cabeza da clasificación, seguidos polo Pol, que cortou a xeira de derrotas superando ao Chantada. O Burela subiu ao bronce despois de gañarlle ao Foz no derbi

O Atlético Escairón ten decidido volver a Preferente. Aínda queda moita tela que cortar, pero tras coller a dianteira da clasificación a semana pasada, continúa líder despois de golear ao Xove Lago. Os de Javier Montoto empezaron mellor e asinaron o 1-0. Os mariñaos creceron, pero na segunda metade o 2-0 rompe o partido e un par de penaltis avultaron o marcador ata o 5-1 definitivo.

No segundo posto, o Pol volveu vencer tras de dúas derrotas e freou a boa xeira do Chantada, que levaba dez xornadas sen perder. Un gol de Gerardo nos primeiros intres do partido decidiu o resultado, o cal fixo baixar ao Chantada ao cuarto posto, pasándolle o bronce o Burela, que gañou o derbi mariñao contra o Foz. Os verdes aproveitaron os erros nas saídas de balón dos visitantes para acabar facendo o 1-0 ao fío do descanso. Tralo intermedio, o Foz foi a polo partido, igualouno e tivo ocasións para máis. No tempo de desconto, nun centro  sen aparente perigo, acaba volvéndose a poñer por diante o Burela.

O Castro mantén a quinta posición cunha nova vitoria sobre o Taboada. Iván abriu o marcador para os vermellos, que dominaron nunha primeira metade que rematou 0-2. Na segunda, o Taboada fíxolles sufrir, pero o Castro recuperou o mando e puido avultar o resultado.

O Outeiro de Rei saltou á sexta posición coa vitoria sobre o Pontenova nun partido de grande tensión. No inicio os de Aarón Sánchez chegaron á área rival movendo o balón e puideron adiantarse nun penalti que non entrou. O enfrontamento comezou a trabarse, pero no minuto 70, tras unha boa presión, o Outeiro puxo o 0-1 e reencontrouse co triunfo. Para o Chantada Atlético a sorte foi distinta, xa que caeu no Acebreiro despois de seis fins de semana puntuando. Aos de Fernando Corredoira custoulles fluír no céspede natural, pero comezaron ben e fixeron un gol no minuto nove. Non mataron o marcador e o Pastoricense empatou aproveitando un erro de comunicación dos rivais e rematou poñéndose por diante nun mal despexe.

Cuarta vitoria consecutiva para o Santaballés, que gañou ao Antas nun partido con moita disputa e segundas xogadas. Adiantáronse os locais na primeira metade, pero antes do descanso subiu o empate ao taboleiro. Na segunda, despois de empuxar, o Santaballés logrou o 1-2 definitivo.

O Monterroso pasou ao número once cun 1-2 na casa do Lourenzá. Meteron aos da Mariña no seu campo e marcaron dous goles na segunda metade, aínda que os locais recortaron a diferencia cun tanto.

O Riotorto e o San Ciprián intercambiaron posicións trala vitoria pola mínima dos de Manuel García. Tras varias oportunidades, Coedo fixo o gol a balón parado. Os locais quedaron cun menos, pero puideron empatar.

Consulta a clasificación aquí

TABOADA 0 - 2 CASTRO

Taboada CF: Roi, Juan J, Diego, Miguel, Fabio, Iban, Adrián, Manuel, Adrián F, Rubén e Manuel V. Tamén xogaron Noe, Jacobo, Diego G e Jonathan.
CD Castro: Jose M, Roberto, Jose L, Iván, Borja, Hugo, Rodolfo, Javier D, Luis R, Diego e Juan M. Tamén xogaron Noel, Óscar, Raúl e Víctor.
Goles: 0-1 (3'): Iván. 0-2 (41'): Rodolfo.
Árbitro: David Méndez Moreda.

ANTAS 1 - 2 SANTABALLÉS

SD Antas: Kevin, Alejandro, Jose C, Javier, Nicolás, Cristian, Xurxo, Alejandro G, Jose A, Félix e Rafael. Tamén xogaron Marcos e Martín.
CD Santaballés: Adrián, Jesús, Daniel, Alberto, Alejandro, Francisco, David, Martín, Adrián V, Miguel A e Hugo. Tamén xogaron Alejandro N e Rubén.
Goles: 1-0 (3'): Nicolás. 1-1 (44'): David. 1-2 (88'): Alejandro N.
Árbitro: Marco A. Fernández Vásquez.

 LOURENZÁ 1 - 2 MONTERROSO

ED Lourenzá: Clemente, Jose A, Jesús, Raúl, Jose A J, David, Diego, Óscar, Yago, Miguel e Iván. Tamén xogaron Alejandro, Julián e David V.
SD Monterroso: Rubén, Jose V, Balbino A, Diego, Cristian, Iago, Iván, David, Antonio, Raúl e Lorenzo. Tamén xogou Daniel.
Goles: 0-1 (51'): David. 0-2 (54'): Lorenzo. 1-2 (80'): Yago.
Árbitro: Ángel Ron Valle.

PASTORICENSE 2 - 1 CHANTADA ATL

UD Pastoricense: Carlos, Diego, Iago, Adrián, Brais, Martín, Cristian, Manuel, Adrián S, Alejandro e Raúl. Tamén xogaron Jordi, Hugo, Asier, Alejandro L e Alejandro I.
Chantada Atl: Anxo, Alejandro, Cesar, Luis, Etham, Adrián, Iván, Brais, Cristian, Pablo M e Daniel. Tamén xogaron Brais E, Javier, Anxo O e André.
Goles: 0-1 (9'): Adrián. 1-1 (47'): Diego. 2-1 (74'): Diego.
Árbitro: Ángel Pérez Rodríguez.

PONTENOVA 0 - 1 OUTEIRO DE REI

SP Pontenova: Íker, Mario, Marcos, Borja, Juan, Alex, Ioan, Samuel, Jorge M, David e Esteban. Tamén xogaron Juan A, Hugo, Marcos M e Brais.
SD Outeiro De Rei: Alberto, Jonatan, David, Óscar, Jorge, Diego, Lucas, Aarón, Vicente, Denis e David T. Tamén xogaron Diego R, Óscar D e Daniel.
Goles: 0-1 (64'): Diego.
Árbitro: Óscar Cabañas López.

CHANTADA 0 - 1 POL

SD Chantada: Alejandro, Sergio, Pablo, Jose R, Manuel, Manuel P, David, Miguel, Pedro, Alexandre e Alejandro D. Tamén xogaron Manuel P, Pablo I, Xende e Marcos.
SD Pol: Manuel, Adrián, Nathaniel, Shedrach A, Miguel, Juan C, Diego, Gerardo, Adrián M, Xoel e Oladapo. Tamén xogaron Nadir A, Martín e Samuel.
Goles: 0-1 (3'): Gerardo.
Árbitro: Francisco Ibáñez López.

BURELA 2 - 1 FOZ

Burela SD: Francisco, Adrián, Jairo, Miguel A, Yeray, Javier, Alejandro, Flavio M, Yago, David e Hugo. Tamén xogaron Xoel, Jairo L e Iván.
CD Foz: Tomas, Ángel, Alberto, Cristian, Óscar, Daniel, Gonzalo, Manuel, Jose, Adrián e Samuel. Tamén xogaron Aitor, Pablo e Xenxo.
Goles: 1-0 (41'): Jairo. 1-1 (60'): Daniel. 2-1 (90'): Jairo.
Árbitro: Jose Luis Fraga Torres.

ATLÉTICO ESCAIRÓN 5 - 1 XOVE LAGO

Atlético Escairón: Alejandro J, Javier, Sergio, Iván, Julio, Asier, Óscar, Denis, Antonio V, Íker e Adrian. Tamén xogaron Aitor M, Mouhamed, Sergio G, Jose A e Malick.
UD Xove Lago: Alejandro, Fernando, Óscar, Diego, Pelayo, Maikel, Pedro, Hugo, Carlos, Kevin e Jorge. Tamén xogaron Andres, Luis C, Mario e Hector.
Goles: 1-0 (4'): Antonio V. 2-0 (47'): Óscar. 3-0 (58'): Óscar. 4-0 (67'): Adrián, de penalti. 5-0 (73'): Mouhamed, de penalti. 5-1 (85'): Luis C.
Árbitro: Álvaro Valín González.

SAN CIPRIÁN 0 - 1 RIOTORTO

CD San Ciprián: Javier, Deonildo, Edegar, Giobane R, Marcos, Xoel, Joao, Samuel, Adilson, Antón e Daniel. Tamén xogaron Manuel R, Miguel, Bruno e Ivan.
CF Riotorto: Manuel, Manuel C, Manuel R, Jose L, Miguel, Cesar, Pablo, Isaac, Pape M, Javier e Adrián. Tamén xogaron Manuel M e Dilan A.
Goles: 0-1 (18'): Javier.
Árbitro: David Rodríguez López.

 

PRIMEIRA GALICIA - LUGO

Resultados xornada 19

Taboada 0-2 Castro
Antas 1-2 Santaballés
Lourenzá 1-2 Monterroso
Pastoricense 2-1 Chantada Atlético
Pontenova 0-1 Outeiro de Rei
Chantada 0-1 Pol
Burela 2-1 Foz
Atl Escairón 5-1 Xove Lago
San Ciprián 0-1 Riotorto

Próxima xornada

Santaballés - Castro
Monterroso - Antas
Chantada Atl - Lourenzá
Outeiro de Rei - Pastoricense
Pol - Pontenova
Foz - Chantada
Xove Lago - Burela
Riotorto - Atl Escairón
San Ciprián - Taboada