O Pol tiña o segundo posto collido por un só fío e o empate desta xornada contra o Santaballés deixouno no quinto posto. Nun choque igualado e de xogo directo, os de Cholas adiantáronse nun rexeite, pero os locais empataron antes do descanso. Na segunda volveu poñerse por diante o Pol, pero a falla dun minuto Adrián fixo o 2-2 nunha falta lateral. O resultado deixáballe ao Chantada na prata, xa que o sábado gañara ao Burela pola mínima. Nun partido pelexado adiantáronse os locais nun man a man de David. Os verdes fixéronse co control do balón e incomodaron aos visitantes, pero a falta de perigo deixou o marcador co 1-0. Un gol máis marcou o Castro, agora terceiro na táboa, contra o Foz, outro integrante do grupo alto. Os vermellos dominaron na primeira metade e adiantáronse a través de Noel. Os da Mariña aproveitaron os minutos de baixón dos locais e tiveron entre as botas o empate. Malia iso, na segunda apenas chegaron e o Castro foi mellor ata subir o segundo ao taboleiro.
O Outeiro de Rei púxose ao pé do podio, tamén con 53 puntos despois de gañarlle ao Monterroso. Os de Aarón Sánchez dominaron o primeiro tempo e Pereira adiantounos cun tanto de cabeza. Na segunda os locais apertaron arriba, pero non conseguiron concretar. A falta de cinco minutos Jorge repetiu a formula para meter o segundo. Aínda que estes equipos teñen grandes aspiracións, o rei segue sendo o Atlético Escairón, que tivo que remar ante un Pontenova que loita por quedar na categoría. Os líderes comezaron mellor e puxéronse 0-2 na primeira parte, pero antes do descanso reciben o 1-2. Na segunda metade os da Mariña seguiron mellorando ata empatar, pero unha expulsión en cada equipo trastornou o partido. O Escairón xestionouno mellor e conseguiu o gol da vitoria no 96’.
Pasando a falar da metade da lista, o Chantada Atlético mantense sétimo e nesta xeira intermitente das últimas xornadas esta vez saíulle cara. Enfrontáronse contra o Taboada e nuns primeiros minutos igualados adiantáronse nun penalti protestado. Na segunda, os erros defensivos dos locais favoreceron ao Atlético, que non perdoaron e puxéronse 1-4. Miguel marcou para o Taboada e co 2-4 remataron na Medela. O Xove Lago mantén tamén posicións tras empatar sen goles contra o Antas. Ambos os dous equipos tiveron ocasións claras, pero faltou a puntería dos dianteiros. Terceira vitoria consecutiva do Riotorto, que se impuxo a un rival directo pola permanencia. Gañaron ao Lourenzá por 0-2 grazas a unha mellor segunda parte e boa defensa. O Pastoricense conseguiu a segunda vitoria do curso contra o San Ciprián. Foron moi superiores na primeira parte creando perigo polas bandas, na segunda parte baixaron o ritmo, pero remataron 4-1.
TABOADA 2 - 4 CHANTADA ATL.
Chantada Atl: Anxo, Cesar, Luis, Etham, Adrián, Javier, Iván, Ariel A, Brais, Daniel e André. Tamén xogaron Iván L, Anxo O, Pablo M, Brais E e André.
Goles: 0-1 (17'): Adrián, de penalti. 0-2 (49'): Cesar. 1-2 (52'): Rubén. 1-3 (66'): Iván. 1-4 (69'): Adrián. 2-4 (77'): Miguel.
Árbitro: David Rodríguez López.
MONTERROSO 0 - 2 OUTEIRO DE REI
SD Outeiro De Rei: Alberto, David, Álvaro, Álvaro R, Jorge, Daniel, Lucas, Aarón, Adrián, Óscar e David T. Tamén xogaron Diego, Samuel e Vicente.
Goles: 0-1 (35'): Jorge. 0-2 (39'): Jorge.
Árbitro: Jesús Adán Gallego.
SANTABALLÉS 2 - 2 POL
SD Pol: Manuel, Adrián, Nathaniel, Rubén, Daniel, Juan C, Nadir A, Diego, Gerardo, Adrián M e Oladapo. Tamén xogaron Luis, Martin, Xoel, Samuel e Aarón.
Goles: 0-1 (25'): Daniel. 1-1 (37'): Alejandro N. 1-2 (58'): Diego. 2-2 (90'): Adrián.
Árbitro: Javier Gómez Martín.
CASTRO 2 - 0 FOZ
CD Foz: Tomas, Cristian, Óscar, Aitor, Daniel, Manuel, Santiago D, Xenxo, Jose, Adrián e Hugo. Tamén xogaron Roberto, Anxo e Pablo.
Goles: 1-0 (12'): Noel. 2-0 (74'): Roberto.
Árbitro: Ángel Pérez Rodríguez.
LOURENZÁ 0 - 2 RIOTORTO
CF Riotorto: Manuel, Manuel C, Manuel R, Jose L, Isaac, Mawdo, Pablo, Andrés, Pape M, Javier e Adrián. Tamén xogaron Miguel, Isaac R, Jesús e Dilan A.
Goles: 0-1 (50'): Javier. 0-2 (90'): Isaac R.
Árbitro: Óscar Cabañas López.
PASTORICENSE 4 - 1 SAN CIPRIÁN
CD San Ciprián: Javier, Claudemir H, Edegar, Rodrigo, Marcos, Xoel, Joao, Antón, Borja, Deonildo e Daniel. Tamén xogaron Giobane R, Izan e Fabio.
Goles: 1-0 (12'): Diego. 2-0 (16'): Adrián S. 3-0 (25'): Manuel. 3-1 (90'): Borja. 4-1 (90'): Manuel.
Árbitro: David Méndez Moreda.
PONTENOVA 2 - 3 ATLÉTICO ESCAIRÓN
Atlético Escairón: Alejandro J, Javier, Iván, Rubén, Aitor M, Julio, Asier, Miguel, Denis, Jose A e Rubén D. Tamén xogaron Íker, Óscar, Jairo e Marcos.
Goles: 0-1 (4'): Miguel. 0-2 (37'): Asier, de penalti. 1-2 (43'): Diego. 2-2 (63'): Samuel. 2-3 (90'): Julio.
Árbitro: Álvaro Valín González.
ANTAS 0 - 0 XOVE LAGO
UD Xove Lago: Jorge, Fernando, Andrés, Óscar, Mario, Pelayo, Maikel, Pedro, Hugo, Carlos e Jorge I. Tamén xogou Hector.
Goles: Sen goles.
Árbitro: Francisco Ibáñez López.
CHANTADA 1 - 0 BURELA
Burela SD: Francisco, Xoel, Jairo, Jairo C, Miguel A, Yeray, Alejandro, Flavio M, Yago, Marcos e Hugo. Tamén xogaron Iván, Anxo e Pablo.
Goles: 1-0 (7'): David F.
Árbitro: Iván Prado López.
PRIMEIRA GALICIA - LUGO |
---|
Taboada | 2-4 | Chantada Atl |
Monterroso | 0-2 | Outeiro de Rei |
Santaballés | 2-2 | Pol |
Castro | 2-0 | Foz |
Antas | 0-0 | Xove Lago |
Lourenzá | 0-2 | Riotorto |
Pastoricense | 4-1 | San Ciprián |
Pontenova | 2-3 | Atl Escairón |
Chantada | 1-0 | Burela |
Outeiro de Rei | - | Chantada Atl |
Pol | - | Monterroso |
Foz | - | Santaballés |
Xove Lago | - | Castro |
Riotorto | - | Antas |
San Ciprián | - | Lourenzá |
Atl Escairón | - | Pastoricense |
Burela | - | Pontenova |
Chantada | - | Taboada |