Dous rivais debutantes sorprenden ao Lugo, que obtivo a vitoria na categoría de Honra

División de Honra Xuvenil

O Lugo sumou os primeiros tres puntos da tempada vencendo ao Revilla, un equipo novo na categoría que puxo as cousas moi complicadas e que promete ser un duro rival tamén para moitos outros.

Partido moi competido, no que o escaso tamaño do campo marcou a xornada. Pouco fútbol puido verse e o local comezou cunha ocasión moi clara no primeiro minuto. Tralo susto inicial, o Lugo refíxose, asentouse e comezou a xerar ocasións en campo contrario.

A primeira importante estivo a cargo de Hugo Hernández nun tiro escorado. Non sería gol e o que meteron a continuación foi anulado polo árbitro. Finalmente os albivermellos conseguiron marcar no minuto 30 nunha xogada na que Dani só tivo que empuxar o balón tras un pase da morte.

Xusto antes da pausa o Lugo quedou cun menos pola dobre amarela de Carlos tras unha falta lateral o que obrigou a modificar a disposición deixando dous puntas para ameazalos.

Ao final, os de Dani Galán defenderon ben conseguindo que o rival se precipitara. De feito, tiveron un par de transicións moi boas que puideron poñer o 0-2 no marcador.

Nos últimos minutos cambiaron as tornas, e foi o Revilla o que se fixo con control do xogo. A falta de 7 minutos para o final, tiran un penalti por riba do largueiro, o que deixa ao Lugo intentando remontar e asegurar a vitoria. Tamén perderon unha nova ocasión os albivermellos que a piques estiveron de deixar marchar dous puntos no desconto, cando os locais tiraron ao largueiro nun balón colgado e o rexeite estivo preto de tocar a rede. 

Consulta a clasificación aquí

REVILLA 0 - 1 LUGO

Liga Nacional Xuvenil

O Lugo B encadeou a segunda derrota consecutiva da Liga tras perder 1-3 na Cheda contra o Lérez, un dos debutantes na categoría. 

Foi o equipo pontevedrés o primeiro en abrir a conta, no minuto 18, cun contraataque con despexe que manda o balón ás costas para chegar o dianteiro nun 1 contra 1 contra o porteiro local.

O Lugo B tivo a oportunidade de empatar pero fallou un penalti para pechar unha primeira parte na que o balón estivo máis en campo albivermello pero sen que o Lérez xerase ocasións claras de gol, algo que tampouco fixo o Lugo, e as que houbo foron a balón parado.

A segunda parte contou co segundo tanto do visitantes xa avanzado o encontro, o segundo de córner. Foi entonces cando o Lugo marcou o seu de penalti, o 1-2, para achegarse e dar opcións a empatar rápido xa que na segunda parte o xogo foi máis local.

Aínda así, non foron quen de empatar e nos últimos minutos foi o Lérez o que logrou asegurar a vitoria cun tanto máis.

Para a semana, o rival será o Rácing de Ferrol, polo que o Lugo volverá xogar fóra neste proceso de adaptación á categoría que lle está costando xa que se mantén agora mesmo en postos de descenso.

Consulta a clasificación aquí

LUGO B 1 - 3 LÉREZ