O Lugo A cae ante o líder e encadea a segunda vitoria do curso

División de Honra Xuvenil

O Lugo caeu esta fin de semana contra o líder da competición, o Oviedo A, por 4-2 a domicilio. Encadea deste modo a segunda derrota consecutiva nas cinco xornadas disputadas, nas que tamén mantén no peto unha vitoria e un empate o que lle permite seguir na posición número 12 de 16.

O agora líder da competición abriu o partido ante o Lugo con intención de levarse a vitoria cun xogo vertical, en largo e con xogadas polo interior que facían dano. O Lugo, pola contra, preparouse reforzando a defensa. Aínda sí, dispuxeron de algunhas ocasións para marcar antes de que encaixaran os dous goles antes do descanso adolencendo dunha defensa frouxa.

Xusto antes do intermedio un penalti a favor do Lugo acabou subindo ao marcador por medio de Hugo Hernández, o que ofrecía esperanzas aos albivermellos. 

Á volta de vestiarios o Lugo saíu con máis forza pero de novo o Oviedo adiantouse no marcador. Un novo centro lateral logrou subir ao marcador para o Lugo polo que volvía a meterse no partido. Ao final a calor e o madrugón pasaron factura, e nun despiste defensivo o Oviedo puxo o último tanto.

Seguiron loitando os de Dani Galán, que non lograron superar a barreira que puxo o equipo local, polo que o marcador non se moveu máis.

A próxima fin de semana o Lugo xogará na casa ante o Val Miñor Nigrán, un equipo da zona media tamén, vello coñecido, co que intentará recuperar a senda da vitoria.

Polo de pronto, os albivermellos conseguen manterse fóra dos catro postos de descenso..

Consulta a clasificación aquí

OVIEDO A 4 - 2 LUGO

Liga Nacional Xuvenil

O Lugo B caeu ante o Alondras na casa pero o resultado non reflicte o que se viu no campo, xa que xogaron os mellores minutos do que vai tempada, atacando todo o tempo, con moita continuidade e con varias ocasións claras para levarse ao descanso unha maior vantaxe, que foi de 1-0, tras catro ocasións que quedaron no tinteiro.

O gol do Lugo B foi unha xogada por banda dereita que acaba sendo un penalti que transforma Xabier Valiña. Foron así á pausa e a segunda parte seguiu na mesma dinámica, con ocasións de gol e facendo presión en campo contrario. 

Non foron capaces os alvicermellos de aproveitalas e tres fallos en tres perdas de balón entraron os outros tres goles.

Con este resultado en contra o Lugo B queda na parte fonda da táboa, xa que aínda non logrou puntuar nos catro partidos de Liga que leva disputados.

Nesta ocasión o xogo despregado non mereceu esta derrota. O rival deulle a volta ao marcador no ecuador do segundo tempo e o terceiro gol do Alondras xa entrou no tramo final. 

A próxima semana visitarán ao Montañeros na procura dos primeiros puntos desta difícil tempada.

Consulta a clasificación aquí

LUGO B 1 - 3 ALONDRAS