O Lugo vence ao Deportivo pola mínima na casa nun partido épico

División de Honra xuvenil

Nova xornada de descanso para o Lugo de División de Honra, que a próxima semana terá como rival a un dos equipos máis duros, o Celta.

Consulta aquí a clasificación                                    

Próxima xornada 

Liga Nacional xuvenil

Gran resultado para o Lugo B esta fin de semana, xa que venceu a un dos líderes da táboa, o Deportivo, pola mínima.

Partido moi igualado e moi disputado, polo que os xogadores de ambos equipos ofreceron un duelo moi bonito para o espectador.

O Lugo iniciouse na contenda sendo dominador e facendo unha parte moi boa, tapando ao Dépor polo centro do campo.

O equipo que dirixe Roberto Fernández, dispuxo de dúas ocasións moi claras de Xaby ante o porteiro pero estas non remataron sendo gol.

Na segunda parte, tralo 0-0, non cambiou moito o conto, co Lugo xogando na área do Deportivo, ata que nun centro ao segundo pau, Xaby logra penetrar na portería rival para facer o 1-0.

Con este resultado o Lugo seguiu dominando ata que nos últimos dez minutos, un Dépor á desesperada fíxose co control da bóla na procura do empate con varias chegadas á área luguesa que foron controladas en todo momento.

Gran actuación do Lugo B, que competiu moi ben vencendo a un dos equipos máis duros da competición.

Consulta aquí a clasificación

LUGO B 1 - 0 DEPORTIVO B

           Resultados xornada 26

      Próxima xornada