División de Honra xuvenil
O Lugo non foi quen esta fin de semana de levarse a vitoria ante o Covadonga, un dos rivais da parte de abaixo, polo que o punto do empate sabe case a derrota, especialmente tras os últimos minutos de xogo, nos que estiveron preto de perder.
O Lugo saíu ao verde da Cheda seguro e confiado na vitoria. Foron superiores durante a primeira media hora de xogo, levando o peso do partido, ata que chegou un penalti que fallaron e que foi decisivo no curso do partido.
Co 0-0 no marcador, remataron a primeira metade concedendo moitas faltas e sufrindo para manter a situación controlada. O Covadonga dispuxo dunha importante oportunidade e o Lugo, tamén tivo oportunidades a través de centros laterais que non remataron por pouco.
Na segunda, o Lugo volveu asentarse no partido, destacando un paradón do porteiro visitante a un tiro de Xoel.
Malia este inicio, a última media hora de partido foise das mans ao Lugo, con continuas xogadas de ida e volta e situacións de perigo para os dous, o que xerou moita tensión para romper o empate. Incluso o Covadonga dispuxo de máis oportunidades ao final, unha moi clara no tempo de desconto que a piques estivo de acabar coas opcións do Lugo tras unha falta que puxo en perigo a portería local.
Mal sabor de boca para o Lugo, tiña ante un equipo da zona baixa a oportunidade de sumar para asegurar con antelación a súa permanencia na categoría..
LUGO 0 - 0 COVADONGA
CD Covadonga A: Pelayo, Pablo, Pedro, Jorge, Óscar, Mateo, Roberto, Enol, Ángel, Liam e Samuel. Tamé n xogaron Danuiel, Mateo, Diego, Pérez, Pau e Izan.
Árbitro: Jesús López Fernández.
Campo: A Cheda.
DIVISIÓN DE HONRA XUVENIL |
---|
Resultados xornada 19
Lugo | 0-0 | Covadonga |
Oviedo | 1-0 | Coruxo |
Bansander | 3-1 | Roces |
Gimnástica | 0-1 | Celta |
Arosa | 0-0 | Santander |
Compostela | 2-1 | Ural |
Gijón | 2-0 | Deportivo |
Marina | 0-3 | Perinés |
Próxima xornada
Coruxo | - | Covadonga |
Roces | - | Oviedo |
Celta | - | Bansander |
Santander | - | Gimnástica |
Ural | - | Arosa |
Deportivo | - | Compostela |
Perinés | - | Gijón |
Marina | - | Lugo |
Liga Nacional xuvenil
Un dos equipos mellores da categoría, o Pontevedra, amosou na Cheda esta fin de semana o seu firme obxectivo de regresar á División de Honra e arrasou co 1-5.
Malia o resultado, o Lugo aguantou ben a primeira metade e o que se viviu foi un xogo igualado que tivo o seu primeiro revés albivermello co primeiro gol, un centro lateral.
Aínda que había loita no campo, o segundo tanto a escasos segundo do final da primeira parte supuxo un xarro de auga fría para os de Roberto Fernández, que non encaixaron ben o 0-2 da pausa e quedaron algo fóra do partido.
Na segunda, o Pontevedra veuse máis arriba e malia que o Lugo intentou ter algunha ocasión, o visitante dominou o resto do partido claramente.
O gol do Lugo entra no minuto 60, co 0-3 no marcador, cando Íker converte un penalti pitado polo colexiado tras unha falta con tarxeta amarela e que significou a expulsión do xogador por ver o segundo cartón.
Non importou moito ao Pontevedra a inferioridade, xa que foi quen de marcadr dous goles máis antes do remate e iso que xogaron algo máis repregados.
Houbo algunha chegada por parte dos albivermellos pero sen demasiado perigo..
LUGO B 1 - 5 PONTEVEDRA
Pontevedra CF: Carlos, Joaquim, Alexander, Saúl, Alonso, Sergio C, Jacobo, Raúl, Román, David e Fernando. Tamén xogaron Sergio V, Adrián, Hugo e Pablo.
Goles: Íker (60’) de penalti polo local. Román (2), Jacobo, Raúl e Saúl polo visitante.
LIGA NACIONAL XUVENIL |
---|
Resultados xornada 19
UD Ourense | 1-3 | Celta B |
Ural | 5-0 | Calasanz |
Porriño | 1-1 | Conxo |
Pabellón Ourense | 3-4 | Valladares |
Deportivo B | 2-0 | Xuventude Oroso |
Val Miñor | 4-2 | Alondras |
Lugo B | 1-5 | Pontevedra |
Choco | 0-0 | Ferrol |
Bergantiños | 2-1 | Montañeros |
Próxima xornada
Calasanz | - | Celta B |
Conxo | - | Ural B |
Valladares | - | Porriño |
Xuventude Oroso | - | Pabellón Ourense |
Alondras | - | Deportivo B |
Pontevedra | - | Val Miñor |
Ferrol | - | Lugo B |
Montañeros | - | Choco |
Bergantiños | - | UD Ourense |