O Lugo de División de Honra quedou lastrado por unha mala primeira metade e só puido empatar

División de Honra xuvenil

A Cheda tampouco puido ver a vitoria esta semana por parte do Lugo, que malia ofrecer un mellor xogo non puido pasar do empate ante a Gimnástica de Torrelavega, un dos equipos que está na zona de descenso.

Pasou factura ao equipo unha primeira parte moi mala, na que non tiveron ritmo e con malas accións nos balóns divididos. 

Aínda así mantiveron o control do xogo e o rival non inquietou malia que xusto antes do descanso a Gimnástica se adiantou no marcardor no único tiro a porta do que dispuxo.

Na segunda metade o Lugo saíu con máis intensidade e polo tanto o ritmo foi mellor e comezaron a agochar ao rival no campo contrario. A Gimnástica acusou o cansazo e o Lugo logrou o empate a 20 minutos do final.

Despois, aínda tiveron un par de ocasións para marcar e incluso un gol anulado por fóra de xogo, un fóra de xogo que despois non vídeo viuse que non era.

Nunha desas ocasións sacouse o balón de debaixo dos paus pero os 45 minutos da segunda non foron suficientes para paliar todos os fallos que se produxeron na primeira metade.
O Lugo repetirá na Cheda a próxima fin de semana, que recibirá ao colista, o Ural..

Consulta aquí a clasificación                                    

LUGO 1 - 1 GIMNÁSTICA

                Resultados xornada 13

               Próxima xornada

Liga Nacional xuvenil

O Lugo volveu de Vigo cunha dura derrota ás costas tras caer ante o Celta B, líder incuestionable da categoría, que está cinco puntos por riba do segundo.

Lastrou o partido dos lugueses os dous goles que encaixaron nos primeiros minutos e que fixeron que o resto da tarde fose máis que complicada. Tras eses dous iniciais chegaron outros tres deixando un parcial de 5-0 no intermedio.

O Celta B fixo un bo partido e o Lugo B non estivo en ningún momento á altura aínda que mantivo o rival máis lonxe da súa porta na segunda parte.

Un bo partido para a aprendizaxe para os lugueses, que deberán sacar unha boa renda para a autocrítica e a humildade.

O Lugo cae deste modo á posición número 15 achegándose á zona de perigo de descenso. Non se renden os albivermellos, que deberán regresar á senda da vitoriapara recuperar posicións. Teñen unha nova oportunidade a fin de semana próxima, cando se enfrontarán en campo propio ante o Calasanz, colista do grupo.

Os de Roberto levan xa tres derrotas consecutivas e só están tres puntos por riba do descenso.

Consulta aquí a clasificación

CELTA B 6 - 0 LUGO B

           Resultados xornada 13

               Próxima xornada