O Lugo logra o ascenso na quenda de penaltis contra o Bergantiños

Primeira Galicia

O Lugo logrou o ascenso tras superar ao Bergantiños na quenda de penaltis. O equipo de Joaquín venceu 2-1 no partido deste domingo pero tiña unha derrota do duelo de ida co mesmo resultado polo que nesta sesión foise primeiro á prórroga, sen que o marcador se movese, e logo á quenda de penaltis.

Foi moi madrugador o primeiro gol, que entrou na primeira xogada, a favor do visitante, pero antes dos dez minutos xa tiña empatado o Lugo. Pasado o ecuador do duelo o Bergantiños marcou en propia e o electrónico non se moveu máis. Tras unha intensa quenda de penaltis, o Lugo segue medrando no fútbol feminino.

LUGO 2 - 1 BERGANTIÑOS

Segunda Galicia

O Friol B non logrou adiantar nada na súa carreira polo ascenso a Primeira xa que non puido pasar do empate este domingo co Touro, equipo do seu grupo e vello coñecido da competición. Un gol en cada tempo e igualdade de xogo e marcador, polo que haberá que esperar á volta para saber quen pasará á seguiente fase.

Na fase de Consolación, o Milagrosa e Chantada seguen adiante. As milagrosistas venceron ao Corme 1-3, que mellora o resultado da ida (2-1) e pasan sen problemas á seguinte fase. O Milagrosa case non pasou apuros para salvaguardar o progreso na competición.

Pola contra, moito sufrimento para o Chantada co Orillamar, que tivo que chegar aos penaltis, tras empatar nos 90 minutos de xogo (1-1) e logo na prórroga (2-2). O equipo viña de empatar tamén na ida polo que foi necesario chegar ao final cos tiros penales. 4-3 foi a vitoria para o equipo chantadino, que recibiu vermella directa para o delegado dous minutos antes do final do tempo regulamentado, cando o Chantada gañaba de 1. Finalmente o Orillamar empatou sobre o asubío, e foron á prórroga. Dúas tarxetas botaron a Natalia do campo e despois o adestrador recibiu a segunda e tamén tivo que marchar sen saber o que ía pasar.

Con este resultado tan axustado, o Chantada segue na pelexa.

O San Lázaro si que dice adeus á competición ao caer co Praíña pola mínima cun gol nos últimos minutos. Os dous equipos empataran sen goles á ida polo que ese gol foi o único que fixo falta para decantar a balanza.

TOURO 1 - 1 FRIOL B

CORME 1 - 3 MILAGROSA

CHANTADA 2 - 2 ORILLAMAR

SAN LÁZARO 0 - 1 PRAÍÑA

Copa Deputación

A próxima fin de semana terá continuidade a Copa Deputación que se relanza na fase de cuartos.