O Lugo non decepciona e logra unha nova vitoria para manter o posto de prata

Primeira Galicia

O Lugo segue colleitando vitorias e puntos nesta competición coa mirada posta no ascenso. Unha xornada máis venceu e fíxoo ante o Cambre, polo que mantén a segunda praza da clasificación.

Foron dous goles de Ana o que marcaron a diferenza nun partido no que o Lugo acudiu moi baixo de efectivos pero que controlou de principio a fin deixando a súa porta a cero.

Consulta a clasificación aquí

O Antas non puido co Orzán, aspirante ao título, e foi derrotado este domingo por 0-5. Aguantaron a presión as da Ulloa, que mantiveron a súa portería a cero ata que faltaban 5 minutos para a pausa. Na segunda parte as forzas foron fallando e encaixaron o resto de goles repartidos no tempo. O equipo lugués está xa afundido na táboa e cun pé no descenso.

LUGO 2 - 0 CAMBRE

ANTAS 0 - 5 ORZÁN

Segunda Galicia

O Friol B segue liderando a categoría sen mácula. Volveu gañar esta fin de semana ás costas do Cruces ao que venceu pro 2-4. Tardaron en arrancar as líderes, que primeiro encaixaron un gol pouco antes da pausa, o que lles fixo reaccionar e empatar. Na segunda metade o local chegou con contundencia e meteu o segundo, que as poñía por diante. A partir dese momento, o Friol B lanzou a Nuria cara arriba para facer un hat trick que lles deu a vitoria cun último tanto de penalti.

O San Lázaro mantén a segunda praza da clasificación malia o empate co Chantada, que pola contra cae á sexta. Ambos os dous equipos empataron este domingo no Sangoñedo xusto no tramo final. No duelo estivo por diante o equipo visitante desde o primeiro gol, no minuto 24. Empataron rápido as locais pero volveu liderar o partido o San Lázaro xa antes da pausa e ata que faltaban 5 minutos para a clausura.

O San Roque recuperou esta fin de semana o seu lugar entre os cinco equipos que xogarán polo ascenso tras vencer ao Carballedo a domicilio. O equipo da capital marcou distancias xa no primeiro tempo, que rematou 0-3. No segundo, o Carballedo marcou para pechar a fenda pero o San Roque non terminara co seu afán anotador e meteu o cuarto.

Consulta a clasificación aquí

Vitoria tamén para o Monte Forte, que mantén a sétima praza da clasificación e que esta fin de semana sumou tres puntos máis ante o Touro co 1-2 co que rematou o duelo. As monfortinas foron por diante desde o minuto 6 cando Laura Correas marcou o primeiro gol do dobrete da xornada. Na pausa xa estaban 2 por diante e mantiveron o resultado ata o gol que achegou ao Touro pero que non foi suficiente para cambiar a sétima praza do equipo na táboa.

Na zona baixa, o Milagrosa venceu con contundencia á Comercial por 4-0. Un hat trick de Leire puxo as cousas claras de cara ao final aínda que sería Nekane a que pecharía a conta a tres minutos do final. O Milagrosa non tiña tan clara a vitoria na primeira metade, que rematou 1-0.

MILAGROSA 4 - 0 COMERCIAL 

CHANTADA 2 - 2 SAN LÁZARO

TOURO 1 - 2 MONTE FORTE

CARBALLEDO 1 - 4 SAN ROQUE

CRUCES 2 - 4 FRIOL B