O Antas suma a segunda vitoria do curso a mesma fin de semana que o Lugo cae goleado polo líder

Primeira Galicia

O Lugo, que segue escaso de efectivo, caeu derrotado na súa loita directa polo título co Sárdoma B. O equipo local foi moi superior e dominou o electrónico. No intermedio o Sármoda xa estaba tres goles arriba e na segunda parte seguiu aproveitando a vantaxe que lle daba o extenso do banco.

Aínda así, o equipo lugués segue clasificado provisionalmente para o ascenso, no posto de bronce entre Bergantiños e Orzán, dos que o separan un punto en cada caso. Os catro primeiros da clasificación están claramente diferenciados do resto do grupo.

Consulta a clasificación aquí

Segunda vitoria do curso para o Antas, ante o Victoria CF B, un dos equipos da zona media-alta. Foron as locais as que se adiantaron no marcador na primeira parte pero o Antas, antes do descanso aseguraba o empate e o reparto de puntos. Finalmnente, no 80' marcaron o gol da vitoria impedindo ao rival recuperarse.

A vitoria non supón unha melloría na táboa, xa que seguen últimas, pero dá opcións e levanta o ánimo a un equipo que está tendo moitas dificultades xornada a xornada para completar o once inicial pola escaseza de efectivos.

SÁRDOMA B 5 - 0 LUGO

VICTORIA FC B 1 - 2 ANTAS

Segunda Galicia

Dura derrota da Comercial na Reigosa ante un Friol B que quería resarcirse da derrota da semana pasada, a primeira da tempada. 10-0 foi o resultado final dun duelo moi desigual no que destacaron o póker de Nuria e o hat trick de Nerea Lombardero. 

Malia o resultado final, a Comercial contivo ao líder durante a primeira metade, na que só encaixou dous goles, nos primeiros dez minutos. 

Foi a partir do 50' cando se descontrolou a conta con tres tantos en catro minutos. O resto espaciáronse algo máis, o último un minuto antes do pitido final.

No posto de prata da clasificación segue o San Lázaro, que venceu ao Santiso grazas a Jenny, que levantou un 0-2 en contra da primeira metade para levarse os tres puntos cun 3-2. As locais encaixaron o primeiro tanto no primeiro minuto e no 34' metía o Santiso o segundo deixando ao San Lázaro contra as cordas. 

Jenny, que está terceira na lista de goleadas, marcou un hat trick que lle permite ao equipo asegurarse na táboa para a promoción. O primeiro foi antes do descanso e o empate antes de que se cumpriran cinco minutos do segundo tempo. O gol da vitoria fíxose esperar algo máis.

O San Roque perdeu a oportunidade de subir á terceira praza tras caer ante o Touro no Polvorín, que se alonxa máis na posición. Un único gol foi suficiente para que a vitoria caese para as visitantes.

Non perderon posición, xa que o Chantada, que ocupa a última praza de promoción, tamén perdeu este domingo, 4-1 ante o Cruces. Ás chantadinas púxose o partido de non cando encaixaron un penalti aos catro minutos e antes do descanso xa tiñan o segundo en contra subido ao marcador.

Tardou máis da metade do tempo que quedaba en marcar Ángeles o gol que daba esperanza ao club chantadés, pero todo foi unha ilusión porque o Cruces seguiu sumando tantos, o útlimo sobre a bucina.

Consulta a clasificación aquí

Desde a recuperada sexta praza, o Carballedo aportou unha nova vitoria, nesta ocasión ante o Arzúa, por 3-1. Extraño partido no que os goles foron concentrados ao final. Os dous primeiros foron senllos penaltis a favor do Carballedo, que Ana Lamas converteu en gol, o primeiro no 53' e o segundo xa no 78'.

A dous minutos do final o Arzúa achegouse no electrónico pero Ana completou o triplete cun novo tanto, nesta ocasión en xogada e xa no desconto.

Segunda vitoria consecutiva do Monte Forte, que, situado na oitava praza do grupo, superou ao Silleda, un dos equipos de abaixo. Abriu o reconto o visitante, mediada a primeira parte, pero o reaccionaron as locais aos dous minutos. No 32', un penalti volveu poñer por diante ao Silleda, pero o Monte Forte logrou o empate xusto antes da pausa.

O partido mantívose igualado ata un minuto antes do final, cando Noa marcou o gol da vitoria e na seguinte xogada conseguiu o dobrete.

Tamén logrou a vitoria, pola mínima, o Milagrosa, que derrotou a domiclio ao Bandeira cun único gol obra de Ainara, no minuto 50. Tres puntos que lle permiten seguir na décima praza da clasificación a un paso do descenso.

FRIOL B 10 - 0 COMERCIAL

CRUCES 4 - 1 CHANTADA

BANDEIRA 0 - 1 MILAGROSA

MONTE FORTE 4 - 2 SILLEDA

CARBALLEDO 3 - 1 ARZÚA

SAN LÁZARO 3 - 2 SANTISO

SAN ROQUE 0 - 1 TOURO