Primeiros tres puntos do Antas, que acompaña ao Lugo nas vitorias da fin de semana

Primeira Galicia

Fíxose esperar, pero finalmente o Antas logrou os seus primeiros tres puntos tras 13 xornadas dunha liga que se está facendo complicada para o equipo da Ulloa. Un gol necesitou ante o Amistade para poñerse por diante no marcador, xa preto do final, no minuto 71. Malia o resultado, o Antas non abandona a última praza da clasificación e se mantén con 0 puntos na conta porque tiña 3 de sanción.

Consulta a clasificación aquí

O Lugo tamén se levou os tres puntos do seu enfrontamento co Tordoia por 0-2. Lola foi a encargada de abrir a conta antes do descanso e así continuarían ata o final do duelo, cando no tempo de desconto Paula Casado asegurou a vitoria co segundo tanto.

O equipo albivermello segue terceiro, dentro do grupo que loitará polo ascenso.

TORDOIA 0 - 2 LUGO

ANTAS 1 - 0 AMISTADE

Segunda Galicia

Mala xornada para os equipos da provincia con tres derrotas e unha única vitoria nos enfrontamentos con equipos do resto de Galicia. Ademais de dous derbis, un do cuales quedou en táboas.

O único en vencer foi o Friol B, que segue imparable só con vitorias, semana tras semana. Nesta ocasión foi invencible ante o Bandeira, ao que derrotou 4-0. Xa tiña o Friol B o traballo fieo na primeira metade xa que chegou ao descanso 3-0.

Primeiro punto da tempada para a Comercial, que empatou na casa co Carballedo, equipo que leva catro semanas consecutivas puntuando e se mantén a un paso do grupo de cabeza.

Primeira parte sen goles e cos dous equipos xustos de efectivos. Abriu o local a conta no minuto 58 e non tardaría máis que cinco minutos o empate. Malia que se volveron poñer por diante, o Carballedo empatou a dez do final.

No outro derbi da xornada, o San Lázaro venceu 4-2 ao San Roque. Os dous equipos se manteñen na parte alta da táboa tras un disputado duelo no Rodríguez Lago.

Consulta a clasificación aquí

No capítulo de derrotas o Milagrosa caeu na casa ante o Touro, un dos cinco clasificados arriba, e descende posicións. As milagrosistas, que comenzaron moi ben a tempada, levan xa tres derrotas consecutivas achegándose á parte baixa. Non parecía tan avultada a conta na primeira metade, na que o duelo estivo máis reñido. Foron 0-1 ao descanso pero á volta tres goles moi cedo desestabilizaron ao Milagrosa que, co 4-0 ía perdendo opcións. No tramo final encaixou dous máis.

Outra derrota dolorosa foi a do Chantada a domicilio co Santiso. O equipo chantadino, que logra manterse na cuarta posición, tivo como verdugo a un equipo da parte media. As de vermello necesitan volver puntuar para manterse lonxe da zona media, que está moi apertada con distancias mínimas.

Non axudou no duelo do Chantada o gol que encaixou nos primeiros minutos e malia que empatou cedo, un gol en propia porta puxo ao Santiso de novo por diante e aumentaría a distancia co 3-1 antes do descanso.

O Monte Forte viu escapar os tres puntos de novo ante o Cruces. 1-2 foi o resultado co que as de Monforte quedan esta semana coa terceira derrota consecutiva. Encaixaron o primeiro tanto no minuto 22 e aínda que empataron na segunda parte, o Cruces meteu o segundo a catro minutos do final e non se puido facer máis

MILAGROSA 0 - 6 TOURO 

SANTISO 4 - 1 CHANTADA

COMERCIAL 2 - 2 CARBALLEDO

MONTE FORTE 1 - 2 CRUCES

SAN LÁZARO 4 - 2 SAN ROQUE

FRIOL B 4 - 0 BANDEIRA