Goleada inclemente do Lugo na Cheda para resarcirse do empate da pasada semana

Primeira Galicia

O Lugo volveu recuperar o seu toque esta fin de semana e goleou de forma inclemente ao Narón. 7-0 foi o resultado co que as de Joaquín se quedaron para resarcirse do empate da pasada fin de semana. O conxunto albivermello foi claramente superior e María Valcárcel fixo un papel inmenso ao rubricar cinco dos goles co seu nome.

Catro goles estaban no marcador no descanso e outros tres entraron na segunda parte para sentenciar no minuto 81. As luguesas seguen na parte alta da táboa, preparadas para entrar no grupo que loitará polo título e o ascenso.

Consulta a clasificación aquí

O Antas quedou de novo sen puntuar ante o Victoria CF, que foi vencedor nun duelo que avultou o resultado nos últimos minutos. As da Ulloa encaixaron dous tantos na primeira metade e na segunda mantiveron o resultado intacto ata sete minutos antes do final, cando un penalti e un gol posterior fixo máis amplo un resultado de volve saber a derrota.

LUGO 7 - 0 NARÓN

VICTORIA CF B 4 - 0 ANTAS

Segunda Galicia

O Friol B non dá tregua, e venceu de novo, sumando o oitavo triunfo dunha tempada na que só sabe gañar. Nesta ocasións a vítima do líder foi o Milagrosa, que se mantén na parte media. Dous goles de Nuria manteñen ao equipo no máis alta da táboa, con cinco puntos por riba do seu inmediato perseguidor, o San Lázaro.

E é que o segundo tamén venceu este domingo ante o Cruces, e fíxoo por 1-3. Os da capital de Lugo sementaron a vitoria no minuto 4, cando entrou o primeiro dos goles. Foron ao descanso 1-3 tras acurtar distancias o Cruces xusto antes da pausa. Ese resultado mantívose ata o tempo de desconto, cando o San Lázaro fixo máis ampla a diferenza co 1-3 final.

Na cuarta posición da listaxe do grupo está o Chantada, que goleou inclemente ao Silleda, cun 6-0. Clara derrota do conxunto vermello, que avultou o resultado no tramo final xa que chegou ao descanso cun só gol no marcador. A entrada de Larua R Carnero marcou un antes e un depois porque os goles sucedéronse cun dobrete dela mesma e outro de Tania Gómez, ao que se sumou o tanto de Ángeles. Como curiosidade, ningunha das tres xogou de titular.

O San Roque, situado no quinto posto, firmou este domingo unha importante e completa goleada sobre o Bandeira. Un 8-2, que non deixa lugar a dúbidas do interese das lugueses no ascenso. Foron como un ciclón as locais, que comezaron no minuto 3 e xusto no intermedio marcaba o Bandeira o seu primeiro gol co marcador en 6-1.

Á volta, o visitante tamén foi o primeiro en marcar pero no tramo final o San Roque, por medio de Irene, que se fixo un póker, setenciaba con dous máis.

Consulta a clasificación aquí

O derbi da Ribeira Sacra, entre Carballedo de Monte Forte, saldouse con vitoria das locais por 3-0 tras un partido no que os goles tardaron moito en chegar. O primeiro entrou no minuto 65 e o segundo no 80', mentres que o colofón non se marcou ata o tempo de desconto. Partido de intensidade clasificatoria xa que este resultado deixa aos dous equipos empatados a puntos no medio da táboa, estando as monfortinas por diante polo gol average.

Derrita cuantiosa para a Comercial, que foi derrotada claramente polo Arzúa. O equipo da capital adoleceu novamente de banco para facer cambios. Recibiu os tres primeiros goles no tramo inicial co 1-0 no minuto 7. Trala pausa chegaría o 3-1, que daba esperanza pero o cansazo deixouse notar con dous goles seguidos para poñer o marcador 5-1. O último sería no desconto, obra de Zaira, que marcou seis dos 7 goles locais.

MILAGROSA 0 - 2 FRIOL B

CHANTADA 6 - 0 SILLEDA 

ARZÚA 7 - 1 COMERCIAL

CARBALLEDO 3 - 0 MONTE FORTE

CRUCES 1 - 3 SAN LÁZARO 

SAN ROQUE 8 - 2 BANDEIRA