Grupo Norte
A xornada número 12 enfrontou no grupo norte ao Residencia e á Sarriana na Cheda. O conxunto local comezou dominando o balón, mentres que os sarrianos tiñan moi claro que non querían cometer riscos atrás. Estiveron sólidos, concedendo poucas opcións aos branquiazuis, que tiveron unha ocasión clara de Alonso.
Na segunda metade a Sarriana conseguiu contraataques perigosos, mentres que o Residencia tivo chegadas, pero faltoulle claridade nos metros finais. O partido acabouse decidindo no minuto 89, cando un penalti a favor dos locais que anotou Manuel fixo que se acabaran levando o partido.
O Vilalbés subiu ao terceiro posto da lista coa vitoria desta quenda contra o Calasanz no Roca. A primeira metade foi igualada, houbo poucas chegadas, pero os chairegos adiantáronse nun saque de esquina. Pasados dez minutos os visitantes conseguiron o empate noutro córner.
Despois do paso polos vestiarios os locais foron máis dominadores e agresivos. O Rácing foi quen de meter moi cedo o 2-1 moi cedo e foi conseguindo espazos para manter a vantaxe. No minuto 70 Migui meteu un golazo que deixaba case sentenciado o partido e Diego fixo o 4-1 nun penalti. Os últimos minutos o duelo foi máis lento e o Vilalbés encaixou un gol por exceso de confianza.
No caso do Viveiro, aínda se mantén no grupo alto mais esta quenda caeu contra o Imperátor. O partido estivo marcado pola expulsión de Mauro á media hora de partido, que deixou aos celestes cun menos e custoulles seguir o ritmo aos locais. Tras quedar con 10 o Imperátor adiantouse cun penalti e fóronse 2-0 ao descanso. Xoel achegou ao Viveiro co 2-1, pero o Imperátor acabou levándose o duelo cun 4-1.
RESIDENCIA 1 - 0 SARRIANA
SD Sarriana: Mauro, Andrés, Adrián, Nicolás, Pablo, Saúl, Pablo G, Óscar, Brais, Pablo V e Nicolás R. Tamén xogaron Xoel, Pelayo, Jose, Uxío e Antoni.
Goles: Manuel, de penalti, para o Residencia.
Árbitro: Álvaro Valín González.
RACING VILALBÉS 4 - 2 CALASANZ
CD Calasanz: Jose L, Guillermo, Guillermo L, Ruben, Javier, Gabriel, Marc, Alejandro, Roi M, Naim e Jaime. Tamén xogaron Álvaro, Daniel, Iker e Iago.
Goles: Borja, Rubén, en propia, Miguel R e Diego, de penalti, para o Vilalbés. Eduardo, en propia, e Marc para o Calasanz.
Árbitro: Jesús López Fernández.
IMPERATOR 4 - 1 VIVEIRO
Viveiro CF: Javier, Lucas, Bruno, Mauro, Javier B, Carlos, Elías, Rafael, Xoel, Claudio e Xoel P. Tamén xogaron Adrián, Luis E, Pablo e Unai.
Goles: Saúl, de penalti, Álex (3) e David para o Imperátor. Xoel para o Viveiro.
Árbitro: Alexandre López Vila.
Resultados xornada 12
| Galicia de Caranza | 1 | 2 | San Tirso |
| Vilalbés | 4 | 2 | Calasanz |
| Estrada | 0 | 1 | Olímpico |
| Rácing Ferrol B | 4 | 0 | Bergantiños B |
| Imperátor | 4 | 1 | Viveiro |
| Bertamiráns | 1 | 0 | Ural B |
| Conxo B | 1 | 0 | Atl Arteixo |
| Residencia | 1 | 0 | Sarriana |
| Compostela B | 1 | 2 | Xuventude Oroso |
Próxima xornada
| Galicia de Caranza | - | - | Vilalbés |
| Calasanz | - | - | Estrada |
| Olímpico | - | - | Rácing Ferrol B |
| Bergantiños B | - | - | Imperátor |
| Viveiro | - | - | Bertamiráns |
| Ural B | - | - | Conxo B |
| Atl Arteixo | - | - | Residencia |
| Sarriana | - | - | Compostela B |
| San Tirso | - | - | Xuventude Oroso |
Grupo Sur
O Calasancio subiu ao cuarto posto na clasificación do grupo sur. Os de Monforte desprazáronse a mañá do domingo para enfrontarse co Colegio Hogar e volveron a casa cunha ampla vitoria no peto. A primeira media hora de partido estivo bastante igualada, pero, despois de algún acercamento, os lucenses abriron o marcador nun córner que empuxa Noé á rede.
Dende aí o Calasancio empeza a dominar o encontro e nunha boa xogada dende banda dereita, un pase da morte chégalle a Pallín que adiantándose á defensa marca o 0-2.
No segundo tempo, o equipo monfortino saíu moi enchufado e no 55' Miguel aproveita un rexeite para facer o 0-3. Dende aí o Colegio Hogar embotellouse atrás, e noutra xogada Pallín volve tomar o balón para regatear o porteiro e facer un dobrete. Case na seguinte xogada o Calasancio fixo o cuarto nunha boa xogada por banda dereita tras un centro raso no que David empuxando ao segundo pau (0-5).
COLEGIO HOGAR 0 - 5 CALASANCIO
CP Calasancio: Manuel, Juan, Álvaro, Noé, Javier, Hugo, Youness, Jacobo, Eric, Adrián e Diego. Tamén xogaron Miguel, Jorge A, Brais e David.
Goles: Noé, Diego (2), Miguel e David para o Calasancio.
Árbitro: Ruben Extremadura Hernandez.
Resultados xornada 12
| Salgueiriños | 2 | 2 | Cented Academy |
| Santa Mariña | 1 | 0 | Gondomar |
| Ourense | 1 | 2 | Arosa B |
| Areosa | 6 | 1 | Verín |
| Rápido de Bouzas A | 0 | 3 | Céltiga |
| Colegio Hogar | 0 | 5 | Calasancio |
| Escola DSF | 1 | 1 | Alertanavia |
| Marín | 1 | 2 | Pabellón B |
| Monteporreiro | 0 | 1 | Val Miñor B |
Próxima xornada
| Salgueiriños | - | - | Santa Mariña |
| Gondomar | - | - | Ourense CF |
| Arosa B | - | - | Areosa |
| Verín | - | - | Rápido de Bouzas A |
| Céltiga | - | - | Colegio Hogar |
| Calasancio | - | - | Escola DSF |
| Alertanavia | - | - | Marín |
| Pabellón B | - | - | Monteporreiro |
| Cented Academy | - | - | Val Miñor B |
