Nove xornadas por diante e o Viveiro, malia a mala xeira, resiste manténdose no grupo de ascenso. Os celestes caeron contra o Lalín e seguen tendo moitas baixas. Ao equipo da Mariña faltoulles rapidez e precisións nos pases, fóronse ao descanso con dous goles en contra, un resultado moi avultado para o que se viu no terreo de xogo. Na segunda parte, pesoulles o marcador en contra e aínda que conseguiron recortar distancias cun penal remataron perdendo 3-1.
O Vilalbés tamén foi derrotado, xa que non puido cos líderes da lista do norte, o Victoria. No inicio saíron dominando os locais e na primeira chegada á area conseguiron facer o 1-0 nun centro lateral mal defendido por parte dos chairegos. Dende aí o Victoria tivo máis o balón, pero o Rácing estivo ben plantado e saíu ben ás contras. Tiveron un tiro de Alfredo dende fóra da área e un man a man de Molina para empatar o partido. Malia isto no minuto 37 os da Coruña fixeron o segundo e co 2-0 se foron os vestiarios. Á volta o Victoria matou o partido co 3-0 nunha saída de córner e pecharon o resultado co 4-0 definitivo.
No caso do Residencia, leva tres xornadas puntuando e segue coa intención de apartarse o máis lonxe posible da parte baixa. Esta semana enfrontáronse contra o Bertamiráns, equipo metido no grupo de promoción e conseguiron empatarlles 2-2. No inicio os lucenses comezaron mal e tras sacar un balón baixo paus metéronlles o 1-0. Ata o minuto 25 seguiron sen centrarse, pero os locais baixaron o ritmo e o partido igualouse, sen case ocasións. No segundo tempo o Residencia axustou en defensa e apostou polo xogo directo, creceu no partido e conseguiu o 1-1 nun penalti. Cando mellor estaban marcáronlles o 2-1, pero reaccionaron ben e nun balón parado conseguiron o empate.
O Milagrosa e o Ribadeo seguen no grupo de descenso, pero os da capital conseguiron vencer esta semana ao Dumbría, equipo localizado un posto por detrás na lista. Á media hora de partido Garbiel abriu o marcador para os lucenses e co 1-0 se foron ao descanso. O Milagrosa dominou e tivo ocasións na segunda metade ata facer o 2-0 definitivo a través de Gonzalo. No caso do Ribadeo, enfrontouse contra o Bergantiños B no Pepe Barrera e perderon por 1-4. No primeiro tempo adiantáronse os da Mariña e conseguiron aguantar o resultado ata o paso polos vestiarios. Á volta, esgotáronselles as forzas e regalaron o partido.
VICTORIA 4 - 0 VILALBÉS
Rácing Club Vilalbés: Yago, Xairo, Carlos, Brais, Hugo X, Carlos C, Luis A, Noel, Alfredo, Alberto e Hugo. Tamén xogaron Antonio, Miguel, Borja e Alex.
Goles: 1-0 (8'): Samuel. 2-0 (37'): Pedro. 3-0 (47'): Julián. 4-0 (58'): Samuel.
Árbitro: Aitor Maneiro Santos.
LALÍN 3 - 1 VIVEIRO
Viveiro CF: Mateo, Carlos, Hugo, Martí, Hugo R, Adrián, Saúl, Javier, Lucas, Rafael e David. Tamén xogaron Mauro, Daniel e Unai.
Goles: 1-0 (39'): Luis A. 2-0 (45'): Nuno, de penalti. 2-1 (60'): Martí. 3-1 (64'): Alberto F, de penalti.
Árbitro: Óscar Enríquez Pereiro.
BERTAMIRÁNS 2 - 2 RESIDENCIA
SD Residencia: David, Jorge, Erik, Andrés, Javier, Ignacio, Xavi, Daniel, Hugo, Alejandro e Óscar. Tamén xogaron Gabriel, Alejandro N, Manuel e Borja.
Goles: 1-0 (9'): Ivan M. 1-1 (52'): Jorge, de penalti. 2-1 (77'): Iván M. 2-2 (84'): Jorge.
Árbitro: Daniel Rodríguez Munin.
RIBADEO 1 - 4 BERGANTIÑOS B
Bergantiños CF B: Sergio, Bruno, Óscar, Adrián, Samuel, Pablo, Jose, Nicolás, Diego, Íker e Alex. Tamén xogaron Diego R, Hugo, Blas e Jose T.
Goles: 1-0 (25'): Anxo. 1-1 (53'): Alex. 1-2 (56'): Iker. 1-3 (67'): Pablo. 1-4 (77'): Iker.
Árbitro: Álvaro Valín González.
MILAGROSA 2 - 0 DUMBRÍA
CF Dumbria: Íker, Antón, Gabriel, Álvaro, Íker A, Yeray, Martín, Óscar, Samuel, Enrique e Samuel L. Tamén xogaron Sandro, Breixo e Íker R.
Goles: 1-0 (27'): Gabriel F. 2-0 (80'): Gonzalo.
Árbitro: David Rodríguez López.
| LIGA GALEGA XUVENIL - GRUPO NORTE |
|---|
| Ribeira | 5-2 | O Val |
| Estrada | 2-3 | San Tirso |
| Victoria | 4-0 | Vilalbés |
| Lalín | 3-1 | Viveiro |
| Boiro | 4-0 | Imperátor |
| Bertamiráns | 2-2 | Residencia |
| Conxo B | 6-0 | Rácing Ferrol B |
| Ribadeo | 1-4 | Bergantiños B |
| Olímpico | 2-2 | Galicia de Caranza |
| Milagrosa | 2-0 | Dumbría |
| San Tirso | - | O Val |
| Vilalbés | - | Estrada |
| Viveiro | - | Victoria |
| Imperátor | - | Lalín |
| Residencia | - | Boiro |
| Rácing Ferrol B | - | Bertamiráns |
| Bergantiños B | - | Conxo B |
| Galicia de Caranza | - | Ribadeo |
| Dumbría | - | Olímpico |
| Cidade de Ribeira | - | Milagrosa |
