O Residencia levouse o choque lucense contra o Ribadeo na Mariña

O derbi lucense desta xornada enfrontou a dous representantes da zona baixa, o Ribadeo e o Residencia. O partido comezou mellor para os da capital, xa que se adiantaron nun penalti. Os locais non apostaron por un ritmo moi alto e o Residencia contaxiouse, deixando crecer ao rival a través do xogo directo. O Ribadeo puido empatar nunha acción que rematou nun gol anulado. Preto do final da primeira parte os visitantes quedaron cun xogador menos, pero aínda así conseguiron facer o 2-0 a balón parado. A volta do intermedio o Residencia armouse defensivamente, pero un despiste consultoulles o 1-2 e despois fallaron un penalti. Ao final o Ribadeo perdeu tamén un xogador e o partido morreu ata o pito final.

Duro golpe para o Viveiro, que foi superado por goleada por un rival directo na clasificación, o Bertamiráns. Os celestes disputaron un partido moi importante sen actitude, o que lles levou a irse ao descanso con catro goles en contra. Non houbo momentos de luz e nunca encontraron o seu xogo, co que remataron perdendo por 6-0. 

Ao Vilalbés derrotoulle o Boiro no Valiño, campo no que só conseguiu puntuar o líder. Os locais dominaron a primeira metade, tiveron ocasións mais que suficientes para adiantarse, pero a súa falta de acerto e a boa actuación do porteiro chairego fixeron que se foran co 0-0 ao descanso. No segundo tempo o Boiro abriu o marcador e baixaron a intensidade, o que permitiu ao Rácing ter unha clara de Toni. Dúas expulsións deixaron o partido dez para dez e o Vilalbés intentouno ata que no 89' lles meteron o 2-0 definitivo.

Pola parte do Milagrosa, tocáballe recibir ao Bergantiños B en Lugo, pero tiveron que suspender o partido por enfermidade dos xogadores albivermellos.

Consulta a clasificación aquí 

BOIRO 2 - 0 VILALBÉS

 RIBADEO 1 - 2 RESIDENCIA

BERTAMIRÁNS 6 - 0 VIVEIRO