O Viveiro e o Vilalbés empatan na casa contra o Conxo B e o Bertamiráns

Ao Viveiro complicóuselle o partido contra o Conxo B, xa que ao longo da semana fóronselle acumulando as baixas de xogadores importantes. Presentáronse ao duelo con cadetes para reforzar o equipo, pero estiveron condicionados ao ter que poñer a xogadores en posicións nas que non estaban acostumados a xogar. No duelo, non encontraron en ningún momento a posesión do balón e apenas xeraron perigo ante un rival que se plantou atrás e que saía aos contragolpes debido aos seus erros. Ningún dos dous equipos foi quen de crear finalizacións e o partido morreu co 0-0. Os celestes seguen no quinto posto e a un punto do Bertamiráns, pois estes empataron precisamente esta xornada contra o Vilalbés.

Os chairegos comezaron dominando o duelo celebrado no Roca, tendo varias chegadas que logran sacar baixo paus os visitantes. Pouco a pouco a dinámica mudou e os de Santiago fixéronse co partido, pero foronse ao descanso 0-0. Na segunda metade o choque está igualado, o Bertamiráns adiantase no minuto 57 e o Vilalbés lanzouse na búsqueda do empate. O premio á insistencia chegou pasado os 90 minutos nun penalti que transfromou Migui.

Boas noticias para a Milagrosa, pois cortou coa seca de vitorias ganándolle a domicilio ao Rácing Ferrol B. Os lucenses, que non se levaban os tres puntos dende a xornada número 15, conseguiron un marcador de 0-2 na Gándara. Teo adiantou aos albivermellos nos primeiros minutos de encontro e o 0-1 mantívose ata o descanso. No segundo tempo os locais intentaron ir polo empate, pero co segundo gol do Milagrosa, que anotou Juan, quedou sentenciado o resultado.

O Residencia despregou o seu mellor fútbol no duelo contra o Olímpico, pero non se levaron o premio. Os lucenses estiveron sobresaíntes na primeira metade, amosaron un grande nivel, sobre todo defensivamente. Tiveron unha morea de ocasións e hasta lle sacaron unha baixo paus, pero nunha contra dos visitantes fan unha volea coa que se poñen 0-1. No segundo tempo o Residencia seguiu dominando o balón, tiveron o empate nunha acción a balón parado, pero comezaron a ser máis imprecisos. Noutra xogada desafortunada o Olímpico consegue facer o segundo e a partir de aí o equipo local non soubo manter o nivel.

Tampouco se fixo cos tres puntos o Ribadeo, que caeu por 3-1 contra o Imperátor, sexto clasificado. Nun partido complicado un erro a mediados da primeira parte custoulles aos da Mariña o primeiro gol en contra. Na segunda modificaron o esquema, pero as forzas minguaron e sufriron o 2-0. A pesar do resultado o Ribadeo comezou a xerar algo de perigo e conseguiron poñerse 2-1. Foron polo empate, pero nunha contra o Imperátor sentenciuo o partido co 3-1.

Consulta a clasificación aquí 

VIVEIRO 0 - 0 CONXO SANTIAGO B

RESIDENCIA 0 - 2 OLÍMPICO 

RÁCING FERROL B 0 - 2 MILAGROSA

IMPERÁTOR 3 - 1 RIBADEO

RÁCING VILALBÉS 1 - 1 BERTAMIRÁNS