A Galega xuvenil celebrou esta fin de semana a xornada número 23 da liga regular e enfrontáronse o Milagrosa e o Viveiro na capital lucense. O duelo, moito máis igualado que na Mariña, volveu caer do lado dos celestes, que se manteñen no cuarto posto da clasificación. O Viveiro empezou adiantándose tras unha boa contra de Dean, que pon un centro raso que remata Hugo Rodríguez.
Os albivermellos apertaron arriba e dispuxeron das mellores ocasións, obrigando a intervir ao porteiro visitante, que fixo un gran partido. Nunha acción rápida o Milagrosa ve un penalti a favor que transformaron para empatar o partido. Na segunda metade, o Viveiro encontra o seu xogo combinatorio e conseguen achegarse á área rival ata que nos últimos intres do partido conseguen o gol da vitoria nun balón colgado que controla Deán e bate ao porteiro cun tiro cruzado.
O outro dos triunfos desta fin de semana foi para o Ribadeo, que malia seguir entre os derradeiros postos, conseguiu a segunda vitoria consecutiva esta fin de semana. Os da Mariña venceron na casa ao San Tirso. Comezaron moi ben o duelo, apostaron polo fútbol combinatorio e conseguiron irse 2-0 ao descanso. No segundo tempo pecaron de individualidades e encaixaron o 2-1. Malia algunha imprecisión, souberon asegurar unha desexada vitoria.
En canto ao Vilalbés, empatou a domicilio contra o Olímpico. No primeiro tempo os chairegos estiveron moi serios, sen conceder nada defensivamente e con dúas ocasións moi claras de Yago e Hugo. Despois do descanso os locais melloraron, marcaron o primeiro gol á saída dun córner e estiveron máis cómodos no verde. Pouco a pouco o Rácing repúxose e empataron nun saque de esquina no 70'. Ao final do partido o Olímpico tivo unha moi clara que parou o porteiro lucense.
O Residencia leva sete xornadas sen conseguir os tres puntos. Malia isto, non baixan a cabeza e esta semana competiron moi ben contra o Galicia de Caranza, terceiro no podio. Os de Ferrol adiantáronse na primeira parte nas únicas dúas chegadas a portería que tiveron, mentres que o Residencia tamén chegou a área rival en dúas ocasións e ata tivo un gol fantasma que non deron por válido. No segundo tempo o equipo lucense non estivo tan fino, pero apertaron e conseguiron poñerse 2-1 e ter un par de ocasións para empatar.
MILAGROSA 1 - 2 VIVEIRO
Viveiro CF: Javier, Bruno, Marco, Carlos, Marti, Hugo, Adrián, Xoel, Adrián D, Javier B e Rafael. Tamén xogaron Hugo V, David, Daniel e Matías.
Goles: 0-1 (24'): Hugo. 1-1 (29'): Rafael, de penalti. 1-2 (86'): Adrián.
Árbitro: Adrián Fernández Teijido.
RIBADEO 2 - 1 SAN TIRSO
San Tirso SD: Daniel P, Álvaro, Unai, Manuel, Miguel, Daniel, Lucas, Anxo, Raúl, Daniel L e Bruno. Tamén xogaron Alejandro, Pedro, Marco, Martín e Mateo.
Goles: 1-0 (1'): Antón. 2-0 (13'): Aarón B. 2-1 (63'): Daniel L.
Árbitro: Raúl López Martínez.
OLÍMPICO 1 - 1 RÁCING VILALBÉS
Rácing Club Vilalbés: Yago, Xairo, Sergio, Carlos, Hugo X, Yago V, Alberto, Brais, Alfredo, David e Hugo. Tamén xogaron Miguel, Antonio e Miguel R.
Goles: 1-0 (47'): Pelayo. 1-1 (66'): Alfredo.
Árbitro: Alejandro García Mosquera.
GALICIA DE CARANZA 2 - 1 RESIDENCIA
SD Residencia: David, Manuel, Óscar, Diego, Jorge, Erik, Daniel, Andrés, Javier, Rodrigo e Alejandro. Tamén xogaron Alonso S, Ignacio e Hugo.
Goles: 1-0 (22'): Alexander. 2-0 (44'): Bruno V. 2-1 (81'): Javier.
Árbitro: Juan Jose Silven Montes.
| LIGA GALEGA XUVENIL - GRUPO NORTE |
|---|
| Ribeira | 2-2 | Lalín |
| Boiro | 1-1 | Victoria |
| Bertamiráns | 1-0 | Estrada |
| Conxo B | 2-3 | O Val |
| Ribadeo | 2-1 | San Tirso |
| Olímpico | 1-1 | Vilalbés |
| Milagrosa | 1-2 | Viveiro |
| Dumbría | 1-5 | Imperátor |
| Galicia de Caranza | 2-1 | Residencia |
| Bergantiños B | 0-3 | Rácing Ferrol |
| Victoria | - | Lalín |
| Estrada | - | Boiro |
| O Val | - | Bertamiráns |
| San Tirso | - | Conxo B |
| Vilalbés | - | Ribadeo |
| Viveiro | - | Olímpico |
| Imperátor | - | Milagrosa |
| Residencia | - | Dumbría |
| Rácing Ferrol B | - | Galicia de Caranza |
| Bergantiños B | - | Ribeira |
