Catorce xornadas leva xa a Galega xuvenil e esta fin de semana rexistráronse algún que outro cambio na clasificación para os lucenses. O Viveiro segue sendo o mellor representante da provincia polo momento, pero baixou ao quinto posto despois de caer contra o San Tirso, no onceavo posto. Os celestes regalaron unha primeira metade na que non encontraron o seu xogo e fóronse por debaixo do marcador ao descanso. Despois do paso polos vestiarios subiron o ritmo e conseguiron empatar o encontro, pero o San Tirso seguiu tendo presencia na área dos locais e os erros nos remates dos de Viveiro custáronlles rematar 2-3.
Mellores noticias tivo o Vilalbés, que subiu ata o posto número trece, praza que ocupaba ata o momento o Milagrosa. Os chairegos conseguiron levarse os tres puntos esta xornada na casa contra o Ribeira. O partido púxoselles a favor cun gol de penalti que anotou Alfredo e co 1-0 se foron ao descanso. O Rácing tivo que aguantar o marcador ata que no 70 chegaron dous goles que pecharon o taboleiro co 3-0. Para o Milagrosa esta fin de semana non foi tan doce, xa que foron vencidos na casa polo Conxo B. Nunha primeira metade igualada, os visitantes adiantáronse cedo e, aínda que os lucenses lograron facer o 1-1, puxeron o 1-2 antes do descanso. Na segunda metade o Milagrosa tentou meterse no partido, pero rematou perdendo por 1-4.
Quen se quedaron nos mesmos postos da clasificación foron o Residencia e o Ribadeo. Os da capital empataron na Cheda contra o Estrada por 2-2. Empezaron marcando primeiro os lucenses de penalti, pero na segunda parte os rivais fixeron o 1-1. O Residencia conseguiu volver poñerse por diante co segundo de Alonso, pero nos minutos finais o Estrada conseguiu de novo o empate. O Ribadeo continúa no penúltimo posto tras acumular xa doce derrotas. Esta vez caeu en Vilaboa contra o Olímpico. Os da Mariña saíron ben situados ao verde, pero nun erro defensivo anótanlles o 0-1 e non conseguen levantar cabeza. Faltoulles concentración para xogar con calma e perderon o ritmo ata rematar cunha derrota por 3-1.
VILALBÉS 3 - 0 RIBEIRA
Cidade De Ribeira CF: Juan, Daniel, Álvaro, Gonzalo, Daniel O, Jose, Mouhamed, Lucas, Benito, Miguel e Iago. Tamén xogaron Fernando, Daniel F, Ismael e Manuel.
Goles: 1-0 (11'): Alfredo, de penalti. 2-0 (71'): Mouhamed, en propia. 3-0 (77'): Brais.
Árbitro: Jose Luis Fraga Torres.
VIVEIRO 2 - 3 SAN TIRSO
San Tirso SD: Marcos, Marco, Bruno, Unai, Miguel, Daniel, Pedro, Anxo, Alejandro, Daniel L e Álvaro. Tamén xogaron Daniel P, Lucas, Ayana e Mateo.
Goles: 0-1 (43'): Alejandro. 1-1 (60'): Adrián. 1-2 (70'): Daniel L. 1-3 (74'): Bruno. 2-3 (88'): Alejandro M.
Árbitro: Ángel Ron Valle.
MILAGROSA 1 - 4 CONXO SANTIAGO
CD Conxo Santiago: Juan M, Diego, Marcos, Brais, Nicolás, Joel R, Hugo, Martin, Manuel, Aitor e Jorge. Tamén xogaron Óscar, Daniel, Abel e Pablo.
Goles: 0-1 (5'): Aitor. 1-1 (30'): Rafael. 1-2 (43'): Joel R. 1-3 (58'): Hugo. 1-4 (85'): Daniel.
Árbitro: Francisco Ibáñez López.
RESIDENCIA 2 - 2 ESTRADA
Escola Estrada Futbol Base: Ángel, Alejandro, Ramiro, Marco, Daniel, Julián, Andrés, Íker, Iago J, Hugo e Sergio. Tamén xogaron Alejandro R, Sergio G, Hugo P e Alejandro G.
Goles: 1-0 (27'): Alonso S, de penalti. 1-1 (47'): Hugo. 2-1 (72'): Alonso S. 2-2 (89'): Iago J.
Árbitro: Jose Luis Fraga Torres.
OLÍMPICO 3 - 1 RIBADEO
SD Ribadeo: Aarón, Adán, Brais, Ignacio, Lucas, Roi, Antón, Kai, Ignacio G, Martin e Aarón B. Tamén xogaron Ayoub, Óscar, Diego, Anxo e Hugo.
Goles: 1-0 (5'): Santiago. 2-0 (51'): Víctor. 3-0 (66'): Ramón. 3-1 (88'): Óscar.
Árbitro: Diego Seoane Sánchez.
| LIGA GALEGA XUVENIL - GRUPO NORTE |
|---|
| Vilalbés | 3-0 | Ribeira |
| Viveiro | 2-3 | San Tirso |
| Imperátor | 3-0 | O Val |
| Residencia | 2-2 | Estrada |
| Rácing Ferrol B | 2-1 | Victoria |
| Bergantiños B | 1-4 | Lalín |
| Galicia de Caranza | 1-4 | Boiro |
| Dumbría | 1-1 | Bertamiráns |
| Milagrosa | 1-4 | Conxo B |
| Olímpica | 3-1 | Ribadeo |
| Vilalbés B | - | Viveiro |
| San Tirso | - | Imperátor |
| O Val | - | Residencia |
| Estrada | - | Rácing Ferrol B |
| Victoria | - | Bergantiños B |
| Lalín | - | Galicia de Caranza |
| Boiro | - | Dumbría |
| Bertamiráns | - | Milagrosa |
| Conxo B | - | Olímpico |
| Ribeira | - | Ribadeo |
