Ca última fin de semana de abril pechouse tamén a liga regular para a Galega infantil. O Viveiro foi o equipo que rematou na mellor posición dos da provincia, no número oito da clasificación, pero todos mantiveron a praza na Galega. Nesta derradeira xornada os celestes gañaron ao Residencia por 1-2. Os da Mariña dominaron o balón na primeira metade e abriron o marcador tras unha boa xogada colectiva que culminou Sergio cun tiro cruzado. Na segunda metade os de Lugo tiveron máis o balón, tiveron varias ocasións para igualar o partido pero o Viveiro conseguiu meter o 0-2 cun golazo de Óscar nunha contra. Os locais aproveitaron un erro en saída de balón dos forasteiros para recortar distancias ao final co 1-2, que pechou o encontro.
O Residencia quedou no número 13 da lista, mentres que o Vilalbés rematou a liga regular dous postos por riba. Os chairegos perderon nesta ultima xornada contra o Bertamiráns, que se xogaba o ascenso directo á División de Honra. Os primeiros minutos estiveron igualados, primou o xogo directo e os visitantes conseguiron gañar bastante terreo nas segundas xogadas. Os de Santiago abriron o marcador cedo nun centro lateral e puxeron o 0-2 tras un rexeite. O Vilalbés comezou a encontrar máis espazos e xerar máis perigo, pero antes do descanso encaixaron o 0-3. No segundo tempo o equipo lucense mellorou, tiveron dúas oportunidades moi claras de Iago Rouco que non entraron, pero o Bertamiráns encontrou o cuarto gol. Mateo conseguiu maquillar o marcador co 1-4 tras córner, e Iago e Augusto tiveronas para poñer o 2-4, pero non puido ser.
RESIDENCIA 1 - 2 VIVEIRO
SD Viveiro: Nicolás, Mario, Luis, José M, Íker, Hugo, Sergio, Óscar, Hugo T, David e Arnold D. Tamén xogaron Lucas, Manuel, Beltrán, Brais e Diego.
Goles: 0-1 (37'): Sergio. 0-2 (59'): Óscar. 1-2 (79'): Íker.
Árbitro: Javier Gómez Martín.
VILALBÉS 1 - 4 BERTAMIRÁNS
Bertamiráns FC: Antia, David, Daniel, Santiago, Carlos, Alexandre, Pablo, Lucas, Matteo, Manuel e Pablo P. Tamén xogaron Xurxo, Diego, Alejandro, Hugo e Xoel.
Goles: 0-1 (8'): Lucas. 0-2 (30'): Matteo. 0-3 (32'): Alexandre. 0-4 (61'): Lucas. 1-4 (76'): Mateo.
Árbitro: José Luís López Rodríguez.
LIGA GALEGA INFANTIL - GRUPO NORTE |
---|
Residencia | 1-2 | Viveiro |
Rácing Ferrol | 0-3 | Victoria |
Lalín | 0-7 | Imperátor |
Estrada | 0-0 | O Val |
Galicia de Caranza | 1-0 | Boiro |
Oza Juvenil | 4-2 | Xuventude Oroso |
Montañeros | 0-3 | Calasanz |
Vilalbés | 1-4 | Bertamiráns |