Esta fin de semana os tres conxuntos lucenses quedaron sen puntos. O Viveiro pechou a xornada o domingo perdendo a domicilio contra o Imperátor, equipo que roza os postos de descenso. Os celestes dominaron a primeira metade e tiveron un man a man de Hugo que non aproveitaron. Na segunda seguiron impoñendo o seu ritmo pero os locais adiantáronse nun balón largo. O Viveiro tivo ocasións a balón parado, pero seguiu sen acertar e recibiron o 2-0 nos intres finais.
O Vilalbés caeu despois de tres xornadas puntuando contra o Victoria. Os primeiros 40 minutos de encontro foron mellor os da Coruña, poñéndose 0-3 preto do descanso. Despois do paso polos vestiarios os chairegos arriscaron e foron polo gol, conseguindo achegarse ata o 2-3 despois de que os rivais quedaran cun xogador menos. Seguiron apertando ata o final, tendo un par de ocasións para facer o 3-3, pero, aínda que o mereceron, non conseguiron empatar.
No caso do Residencia, leva catro puntos nos últimos cinco partidos e necesita seguir sumando para afastarse do perigo. Esta semana caeu contra O Val, conxunto que agora mesmo está en postos de descenso. O duelo comezou igualado, pero os locais aproveitaron un erro dos de Lugo para abrir o marcador. Na segunda metade estiveron mellor os visitantes, que arrincaron con varias ocasións claras, entre elas un man a man de Hugo Vázquez e unha de Nico que para o porteiro. Aínda así o Residencia non conseguiu o empate e O Val marcou o segundo nun córner ao final do partido.
IMPERÁTOR 2 - 0 VIVEIRO
SD Viveiro: Carlos, Arnold D, Hugo, Luis, Lucas, Jaime, José M, Iker, Hugo R, Sergio e Oscar. Tamén xogaron David, Roque e Marco.
Goles: 1-0 (52'): Pablo M. 2-0 (80'): Jorge.
Árbitro: Diego Seoane Sanchez.
VILALBÉS 2 - 3 VICTORIA
Victoria CF: Adrián, Eder, Guillermo, Juan, Javier, Anxo, Sabino, Miguel, Miguel R, Iago e Guillermo R. Tamén xogaron Diego, Juan S, Jacobo, Lois e Eloy.
Goles: 0-1 (3'): Guillermo. 0-2 (10'): Javier. 0-3 (29'): Guillermo R. 1-3 (53'): Javier, en propia. 2-3 (77'): Daniel, de penalti.
Árbitro: Jose Luis López Rodríguez.
O VAL 2 - 0 RESIDENCIA
SD Residencia: Iván, Miguel, Marco, Jose G, Ian, Joel, Jesús, Samuel, Hugo, Iago e Nicolás. Tamén xogaron Mateo M, Íker e Anes.
Goles: 1-0 (11'): Marco. 2-0 (79'): Marco.
Árbitro: Pablo Carballal Mora.
LIGA GALEGA INFANTIL - GRUPO NORTE |
---|
Vilalbés | 2-3 | Victoria |
Imperátor | 2-0 | Viveiro |
O Val | 2-0 | Residencia |
Boiro | 0-2 | Rácing Ferrol |
Xuventude Oroso | 6-0 | Lalín |
Calasanz | 4-1 | Estrada |
Bertamiráns | 4-1 | Galicia de Caranza |
Montañeros | 3-2 | Oza Juvenil |
Viveiro | - | Victoria |
Residencia | - | Imperátor |
Rácing Ferrol | - | O Val |
Lalín | - | Boiro |
Estrada | - | Xuventude Oroso |
Galicia de Caranza | - | Calasanz |
Oza Juvenil | - | Bertamiráns |
Montañeros | - | Vilalbés |