O Vilalbés adianta ao Viveiro na clasificación despois de saltar ao noveno posto

Os equipos lucenses da Galega infantil entran na recta final da liga regular, posto que só lles quedan cinco xornadas. O Vilalbés afástase da zona de perigo despois de conseguir outra vitoria esta xornada contra o Imperátor, candidato ao descenso directo. Tras uns minutos igualados, os do Rácing melloraron con balón e levaron a iniciativa do partido. Á media hora conseguiron adiantarse, pero tivéronas de tódalas cores, varios paus, traveseiros e un golpeo de Esteban que acabou fóra. No segundo tempo, os da Coruña melloraron, tiveron dous tiros a porta dando a sensación era que podían empatar e así foi nunha falta lateral.

Co 1-1 os de Vilalba confiaron ata o final e despois de tela nas botas Iago conseguiu meter un golazo á escuadra de volea para darlle a vitoria aos lucenses. A vitoria deixoulles un punto por riba do Viveiro, posto que estes caeron contra o Boiro.

O choque comezou moi igualado, con ocasións para ámbolos equipos e un grande Carlos que parou todo aos locais. Na segunda metade, os celestes estiveron mellor e tiveron catro oportunidades para adiantarse. Ao final do partido, un penalti en contra bastante protestado fixo que o Viveiro caera por 1-0.

Ao Residencia tamén lle fan falta moito os puntos e esta fin de semana conseguiu triunfar tras once xornadas. O seu rival foi o Xuventude Oroso, que se encontra na metade alta da clasificación. Na derradeira xogada da primeira parte, nun balón por banda de Hugo Vázquez, Samu conseguiu empuxala e facer o 1-0. Despois do paso polos vestiarios, o campo encharcouse e os lucenses dedicáronse a defender os balóns parados dos locais. Joel tivo unha oportunidade para avultar o marcador que non entrou e o Residencia aguantou o resultado para quedar cos puntos. 

Consulta a clasificación aquí 

 BOIRO 1 - 0 VIVEIRO

 VILALBÉS 2 - 1 IMPERÁTOR

XUVENTUDE OROSO 0 - 1 RESIDENCIA