O Viveiro consegue pola mínima a única vitoria lucense

Despois de catro xornadas sen ver a vitoria, o Viveiro salvou a xornada co único triunfo lucense. O conxunto da Mariña foi quen de superar pola mínima ao Lalín coma visitante. Comezaron dominado claramente nos primeiros 20 minutos, onde tiveron varias ocasións e ata un traveseiro. Os locais conseguiron dúas chegadas claras que atallou ben Carlos, o porteiro mariñao. No segundo tempo o Viveiro seguiu amosando un gran ritmo e Hugo conseguiu abrir o marcador nunha volea coa perna dereita. Dende aí os lucenses puideron avultar o marcador e o Lalín non increpou máis. 

No caso do Residencia, disputou un partido máis igualado do que di o 4-1 que fixo o Rácing de Ferrol. Os lucenses saíron ben ao verde e tiveron unha ocasión antes de que se adiantaran os locais. Seguiron chegando á área rival, pero os fallos defensivos fixeronlles encaixar dous goles máis. Xa na segunda metade, co paso dos minutos o Residencia volveu ter ocasións e puxo o 3-1 no marcador, pero de novo nun mal despexe o Rácing asinou o 4-1 definitivo.

A derrota do Vilalbés foi por parte do Calasanz, integrante do podio do grupo norte. Os da Coruña adiantáronse nos primeiros minutos e marcaron dous tantos máis accións de centros a área. Os chairegos non baixaron os brazos e seguiron competindo ata meter o 1-3 e ter tres oportunidades para marcar o segundo que non entraron. Antes do descanso os visitantes fixeron o cuarto gol e foi imposible darlle a volta ao marcador, aínda que o Vilalbés non baixou nunca a cabeza.

Consulta a clasificación aquí 

RÁCING VILALBÉS 1 - 7 CALASANZ

LALÍN 0 - 1 VIVEIRO

RÁCING FERROL 4 - 1 RESIDENCIA