O Marcos Gómez e A Cheda convertéronse esta fin de semana no mellor refuxio. O Viveiro conseguiu a terceira vitoria consecutiva contra o Imperátor, sumando seis no que leva de curso. Os celestes empezaron o partido sendo moi superiores ao rival e chegaron ao descanso cun 2-0, que puido ser máis amplo, posto que faiaron catro ou cinco ocasións moi claras. Na segunda metade, os rivais subiron as liñas e iso fixo que ao Viveiro lles custara máis enlazar os pases. Porén, co paso dos minutos, os mariñaos volveron a tomar as rendas e fixeron o terceiro gol nun man a man de Óscar co porteiro.
No caso do Residencia, conseguiron anotar tamén un 3-0 contra O Val e volver vencer despois de sete xornadas. Os lucenses fixeron un moi bo partido no que tiveron moitas ocasións e anotaron Hugo Vázquez en dous man a man co porteiro e Martín nunha falta afastada.
O Vilalbés caeu despois de catro duelos puntuando contra os líderes da clasificación, o Victoria. No primeiro tempo os chairegos estiveron mellor, adiantáronse nos primeiros minutos e tiveron unha opción moi clara de Miguel para facer o segundo. Os da Coruña conseguiron o empate no minuto 20 e o 1-1 mantívose ao descanso. Na segunda metade o equipo lucense tivo que asumir o partido sen Dani, que non se encontraba de todo ben. O Victoria comezou a chegar facilmente polas bandas e a base de insistir acabaron remontando o partido.
VICTORIA 3 - 1 VILALBÉS
Rácing Club Vilalbés: Carlos, Mateo, Hugo, Iago, Nicolás, Daniel, Iago R, Esteban, Augusto C, Miguel e Iago P. Tamén xogaron Julián, Asier e Hugo P.
Goles: 0-1 (4'): Iago R. 1-1 (23'): Miguel. 2-1 (60'): Jacobo. 3-1 (62'): Jacobo.
Árbitro: Diego Cedeira Méndez.
VIVEIRO 3 - 0 IMPERÁTOR
Imperátor OAR: Pablo, Alberto D, Gabriel S, Martin, Alejandro, Aitor, Hugo, Joshua O, Pablo P, Luis e Paco. Tamén xogaron Mateo, Pablo M e David.
Goles: 1-0 (21'): José M. 2-0 (28'): Hugo. 3-0 (59'): Óscar.
Árbitro: Ángel Ron Valle.
RESIDENCIA 3 - 0 O VAL
SD O Val: Izan, Iago, Germán, Jose R, Adrián, Francisco, Fabio, Adahy, Iago G, Adrián F e Marco. Tamén xogaron Daniel, Isaac, Martin e Mateo.
Goles: 1-0 (23'): Hugo. 2-0 (28'): Martin. 3-0 (54'): Hugo.
Árbitro: Jesús Adán Gallego.
LIGA GALEGA INFANTIL - GRUPO NORTE |
---|
Victoria | 3-1 | Vilalbés |
Viveiro | 3-0 | Imperátor |
Residencia | 3-0 | O Val |
Rácing Ferrol | 4-0 | Boiro |
Lalín | 1-3 | Xuventude Oroso |
Estrada | 0-4 | Calasanz |
Galicia de Caranza | 3-4 | Bertamiráns |
Oza Juvenil | 0-2 | Montañeros |
Victoria | - | Viveiro |
Imperátor | - | Residencia |
O Val | - | Rácing Ferrol |
Boiro | - | Lalín |
Calasanz | - | Galicia de Caranza |
Bertamiráns | - | Oza Juvenil |
Xuventude Oroso | - | Estrada |
Vilalbés | - | Montañeros |