A onceava xornada deixou un repertorio de resultados para os lucenses. O Viveiro conseguiu a segunda vitoria consecutiva e parece que resurxiu despois da mala xeira. Os celestes venceron ao Val nun enfrontamento igualado, no que na primeira metade só os da Mariña tiveron unha ocasión de gol. Na segunda, adiantáronse os celestes nun córner cun gran remate de Luís. O Val conseguiu empatar cun tiro dende fóra da área e comezaron a xerar máis perigo, pero atopáronse con Xavi. Noutro córner nos derradeiros intres o Viviero anotou o 1-2 para levarse tres puntos máis.
O Vilalbés disputou un choque complicado contra o Oza Juvenil no que acabaron empatando. Os da Coruña esixíronlles moito a nivel físico e comezaron ganándolle o terreo aos chairegos, malia que non tiveron grandes ocasións. Despois do descanso o Rácing mudou de esquema e tiveron unha mellor dinámica. Porén, o Oza colleunos nun balón ás costas e cun man a man co porteiro puxéronse 0-1. En dez minutos volveron ter outra parecida e subiron o segundo no marcador. Lonxe de baixar os brazos, o Vilalbés deu un paso adiante e Iago Rouco meteu dous golazos que empataron o marcador. Nos derradeiros minutos Carlos salvou un par de ocasións do Oza e o mesmo Iago tivo o 3-2 nas botas no último minuto, pero errou no golpeo.
No caso do Residencia, non logrou puntuar ante o Boiro. Os lucenses saíron mal ao verde do Vista Alegre e recibiron o primeiro tanto nos primeiros intres por culpa dun despiste. En pouco tempo chegou o segundo en contra nunha falta lateral, pero despois do 2-0 comezaron a reaccionar e tiveron dúas boas accións de perigo con Mateo por banda. Na segunda o Residencia puxo outra cara e Hugo Vázquez conseguiu achegalos co 2-1 nun córner. O equipo lucense seguiu intentando chegar a área contraria pero non conseguiu artellar o empate.
O VAL 1 - 2 VIVEIRO
SD Viveiro: Carlos, Mario, Luis, Lucas, José M, Hugo, Sergio, Arnold D, Óscar, Xavi e Jaime. Tamén xogaron Roque, Íker, Marco e David.
Goles: 0-1 (51'): Luís. 1-1 (66'): Adahy. 1-2 (77'): Hugo.
Árbitro: Francisco J Piñón López.
BOIRO 2 - 1 RESIDENCIA
SD Residencia: Hugo, Mario, Miguel, Alex A, Joel, Íker, Samuel, Hugo V, Iago, Mateo M e Ian. Tamén xogaron Álvaro, Martín, Nicolás, Iago V e Anes.
Goles: 1-0 (1'): Manuel. 2-0 (12'): David. 2-1 (66'): Hugo V.
Árbitro: Francisco Manuel Brion Sanisidro.
VILALBÉS 2 - 2 OZA JUVENIL
Oza Juvenil SD: Iago, Daniel, Joao, Mario, Alejandro, Andrés, Bruno, Sergio, Anxo, Luís A e Sergio M. Tamén xogaron Anxo G, Hugo, Joel, Daniel G e Christian.
Goles: 0-1 (42'): Alejandro. 0-2 (54'): Daniel. 1-2 (55'): Iago R. 2-2 (65'): Iago R.
Árbitro: David Rodríguez López.
LIGA GALEGA INFANTIL - GRUPO NORTE |
---|
Imperátor | 1-6 | Victoria |
O Val | 1-2 | Viveiro |
Boiro | 2-1 | Residencia |
Xuventude Oroso | 1-2 | Rácing Ferrol |
Calasanz | 11-0 | Lalín |
Bertamiráns | 3-2 | Estrada |
Montañeros | 1-4 | Galicia de Caranza |
Vilalbés | 2-2 | Oza Juvenil |
Victoria | - | Vilalbés |
Viveiro | - | Imperátor |
Residencia | - | O Val |
Rácing Ferrol | - | Boiro |
Lalín | - | Xuventude Oroso |
Estrada | - | Calasanz |
Galicia de Caranza | - | Bertamiráns |
Oza Juvenil | - | Montañeros |