Vitorias contundentes dos dous equipos monfortinos e un punto para o Chantada

Primeira

Un póker de goles de Érik Lugilde deu a vitoria clara e contundente ao Monforte esta fin de semana contra o Allariz.

1-6 foi o resultado final dun duelo que o Allariz liderou no marcador ata o minuto 28, cando un penalti puxo o empate. Unha vez aberta a caixa, o Monforte xa se puxo por diante antes da pausa e, á volta, non tardaría moito en abrir fenda. A goleada deuse por finalizada a quinte minutos do final.

Igual de contundente foi o Calasancio co Ribadavia, ao que venceu 6-1. Yoel abriu a conta aos 6 minutos de xogo e con ese único gol marcharon ao descanso. Na segunda, Luca fixo un dobrete xusto á volta, ao que se sumou outro de Martiño, o que poñía as cousas máis definidas. 

Coa vitoria xa á vista, Martiño de novo e Samuel pecharon a conta tralo gol do rival.

Consulta a clasificación aquí

O Chantada tamén sacou un punto do duelo co Arenteiro a domicilio no que o resultado foi de 1-1. Os dous goles foron dos chantadinos, o primeiro en propia porta e ambos xa na segunda parte. Non aporta moito ao equipo este resultado, que non os empuxa á parte alta.

CALASANCIO 6 - 1 RIBADAVIA

ALLARIZ 1 - 6 MONFORTE

ARENTEIRO 1 - 1 CHANTADA

Segunda

O Monforte B sacou tres puntos da fin de semana por un único e solitario gol de Pepe.  Vitoria foi ante o Amancer, equipo da parte baixa, que lle permite seguir na zona morna da táboa, por riba do Calasancio B por un punto.

Consulta a clasificación aquí

Pola súa banda, o Calasancio B caeu ante o Cented Academy tamén a domicilio e tamén cun axustado marcador.

2-1 foi o resultado do duelo no que o local, que foi moi xusto de efectivos, puxo pronto de cara. De feito, aos 19 minutos xa tiña o 2-0, mesmo resultado co que chegaron ao descanso. 

Na segunda metade, Jorge foi o encargado de achegarse no marcador pero non lograron pasar de aí.

CENTED ACADEMY 2 - 1 CALASANCIO B

 AMENCER 0 - 1 MONFORTE B