O Lugo cadete fíxose coa vitoria pola mínima e no último minuto tras un acoso constante ao rival

División de Honra Cadete

O Lugo fíxose cos tres puntos no último minuto do duelo contra o Bergantiños tras un partido no que atacou continuamente.

Tanto a primeira como a segunda parte mantiveron a mesma dinámica. O Lugo plantexou un partido máis combinativo, pero o Bergantiños optou por pecharse atrás, en especial cando o Lugo superou os problemas que tivo no primeiro tempo para conectar cos centrais.

O rival centrouse polo tanto en defender mentres o Lugo comezou un acoso e derrube con continuas chegadas que non atopaban o rematador. Centráronse os albivermellos en facer dano polas bandas xa que o centro estaba complicado. 

Con esta dinámica infructuosa chegaron ao final e no último minuto o Bergantiños despistouse e deixou un oco por onde se coou Lucas para marcar o gol de ouro que deu os tres puntos.

Consulta aquí a clasificación

O Viveiro caeu ante o Deportivo, pero o equipo coruñés tivo que loitar moito no tramo inicial. O equipo mariñao empezou mal o partido xa que na primeira xogada encaixou un gol, nun centro lateral esquerdo que cambiou de banda. 

Con este gol os viveirenses asentáronse no terreo de xogo e nun roubo arriba marcaron o tanto do empate na contra. O segundo do Deportivo chegou nunha xogada similar á primeira cun remate ao segundo pau, pero os de Samuel non se renderon e provocaron un penalti para irse ao descanso de novo con empate.

O Cantarrana con moita auga no céspede non axudou a ningún dos dous a ofrecer un bo fútbol e costoulles xogar e mesmo ao Deportivo xerar ocasións. 

Cando comezou ao segundo tempo, un balón parado nun córner pechado rematou na rede celeste. Tamén a balón parado chegou o cuarto tras un saque de esquina e nese momento o cansazo xa pasou factura e o equipo non puido facer moito máis e acabou cun tanto máis en contra.

VIVEIRO 2 - 5 DEPORTIVO

LUGO 1 - 0 BERGANTIÑOS

           Resultados xornada 26

           Próxima xornada 

División de Honra infantil

O Lugo infantil caeu ante un rival que foi superior, subre todo nos pirmieros 20 minutos. O Arosa tivo un par de chegadas con moito perigo e logrou colocar moitos centros facendo traballar a Álvaro baixo paus, que fixo dúas boas paradas.

O Lugo viu estrelarse no seu largueiro un balón con intención de gol e sufriu moito a balón parado ante xogadores máis grandes e fortes. Finalmente abriron a conta os visitantes cun centro desde a banda que rematan de cabeza sen que o Lugo tivese algunha ocasión.

Na segunda metade igualouse o duelo e tiveron un pouco máis o balón. Incluso tiveron a oportunidade de empatar, que finalmente non entrou. Nun centro raso mal despexado, o Arosa marcou o segundo e no houbo opción de cambiar o resultado. 

Consulta aquí a clasificación

LUGO 0 - 2 AROSA

           Resultados xornada 23

Próxima xornada