O primeiro derbi lucense da nova campaña da Galega xuvenil rematou en táboas, despois de que o Milagrosa conseguira empatar ao Vilalbés na segunda parte. Os conxuntos da Mariña, conseguiron as primeira vitorias do curso, mentres que o Residencia foi derrotado en Carballo.
O enfrontamento provincial comezou moi disputado, pero o Milagrosa tomou a dianteira no minuto 10 cun bo tiro dende fóra da área de Gabri. O Vilalbés reaccionou e tivo oportunidades para empatar, pero non o fixo ata a segunda metade. Aproveitando a mala saída dos locais lograron adiantarse con dous goles de cabeza de Alfredo e Alberto. Dende aí, idas e voltas ás áreas e ocasións para ambos equipos. Foi Juan quen tivo o acerto no minuto 75 para que o Milagrosa conseguira o empate.
Despois de dous xornadas repartindo puntos, o Viveiro ao fin conseguiu levarse os tres puntos. Foi contra o Dumbría nun duelo que comezaron con moita intensidade. Saíulles o traballado nos adestramentos e á media hora xa ían 0-3 grazas a accións combinatorias e pases en profundidade. Na segunda metade os locais morderon un pouco máis, pero os celestes contiveron a defensa. Os cambios déronlles máis pegada e chegaron o 0-4, gol de Lucas no seu debut tras lesión, e o 0-5, co dobrete de Xoel.
O outro conxunto mariñao, o Ribadeo, sumou por primeira vez no que vai de curso contra O Val. O Pepe Barrera acolleu un partido disputado e con ocasións dos dous equipos, no que destacou a calidade individual dos locais. Ignacio fíxose co protagonismo da primeira metade anotando os dous primeiros tantos para os mariñaos. Despois do intermedio Aarón Ares fixo o terceiro, como os anteriores, tras un centro a área desde banda. O Val achegouse no marcador, pero o Ribadeo, tras fallar un penalti, sentenciou co 4-1de Óscar.
Para o Residencia a fin de semana foi máis amarga. Os albicelestes caeron contra o Bergantiños B nun choque para esquecer. Saíron ao verde faltos de actitude e cometendo moitos erros, o que lles levou a perder xa 0-4 ao descanso. Tralo paso polos vestiarios intentaron cambiar a dinámica e melloraron coas incorporacións do banco, tendo xa algunha ocasión. Conseguiron facer un gol de penalti na recta final do partido, pero nada os puido salvar da derrota.
RIBADEO 4 - 1 O VAL
SD O Val: Leo, Antón, Jaider, Hugo, Darío, Óscar, Beltrán, Samuel, Fabián, Santiago e Antón. Tamén xogaron Raúl, Marcos, Aarón e Manuel A.
Goles: 1-0 (6'): Ignacio G. 2-0 (36'): Ignacio G. 3-0 (55'): Aarón A. 3-1 (59'): Santiago. 4-1 (68'): Óscar.
Árbitro: Francisco Ibáñez López.
MILAGROSA 2 - 2 VILALBÉS
Rácing Club Vilalbés: Yago, Brais, Sergio, Carlos, Hugo X, David, Alberto, Noel, Alfredo, Miguel e Hugo. Tamén xogaron Yago V, Luís A e Luís E.
Goles: 1-0 (10'): Gabriel. 1-1 (50'): Alfredo. 1-2 (56'): Alberto. 2-2 (75'): Juan.
Árbitro: Jorge Méndez López.
DUMBRÍA 0 - 5 VIVEIRO
Viveiro CF: Javier, Bruno, Marco, Carlos, Hugo, Rafael, Martí, Hugo R, Adrián, Xoel e Adrián D. Tamén xogaron Lucas, David, Álvaro, Lucas F e Daniel.
Goles: 0-1 (8'): Adrián. 0-2 (20'): Xoel. 0-3 (27'): Hugo. 0-4 (87'): Lucas. 0-5 (89'): Xoel.
Árbitro: Alberto Pombo Parga.
BERGANTIÑOS B 4 - 1 RESIDENCIA
SD Residencia: Diego M, Manuel, Diego V, Erik, Andrés, Javier, Alejandro, Daniel F, David, Alonso e Alejandro. Tamén xogaron Gabriel, Jorge, Hugo e Lucas.
Goles: 1-0 (10'): Mario. 2-0 (16'): Hugo M. 3-0 (23'): Mateo M. 4-0 (36'): David. 4-1 (82'): Alonso de penalti.
Árbitro: Manuel Castro Mouzo.
LIGA GALEGA XUVENIL - GRUPO NORTE |
---|
Boiro | 10-0 | Lalín |
Bertamiráns | 0-2 | Victoria CF |
Conxo B | 2-3 | Estrada |
Ribadeo | 4-1 | O Val |
Oímpico | 1-1 | San Tirso |
Milagrosa | 2-2 | Vilalbés |
Dumbría | 0-5 | Viveiro |
Galicia de Caranza | 3-0 | Imperátor |
Bergantiños B | 4-1 | Residencia |
Ribeira | 3-2 | Rácing Ferrol B |
Lalín | - | Ribeira |
Victoria CF | - | Boiro |
Estrada | - | Bertamiráns |
O Val | - | Conxo B |
San Tirso | - | Ribadeo |
Vilalbés | - | Olímpico |
Viveiro | - | Milagrosa |
Imperátor | - | Dumbría |
Residencia | - | Galicia de Caranza |
Rácing Ferrol B | - | Bergantiños B |