Masculina Grupo Norte
Tres vitorias acumula xa o Viveiro neste grande inicio de curso. Os celestes superaron na casa ao Victoria nun duelo no que lles tocou remontar o marcador. O equipo da Mariña fixo unha moi boa primeira parte, xerando boas ocasións para estrear o marcador. Porén, cando parecía que estaba a caer o 1-0, nunha perda na saída de balón os da Coruña artellaron un contraataque que rematou no 0-1.
Na segunda metade o Viveiro saíu a por todas e embotellou ao rival ata que cun bo tiro dende fóra da área rival empatou o partido. En pouco tempo Roque rematou unha boa xogada de Marco por banda para facer o 2-1 e darlles os tres puntos.
Tamén conseguiu a vitoria o Vilalbés, que xogou a domicilio contra o Spórting Cambre. Os chairegos disputaron un encontro con pouca efectividade nas áreas, que se levaron pola mínima grazas a un gol de Samuel na segunda metade. Esta foi a primeira vitoria do conxunto verdivermello no que vai de curso, posto que nos dous primeiros encontros quedara sen sumar.
O Polvorín foi derrotado por un dos grandes da Galega, o Compostela. Na primeira parte os de Santiago mandaban na área e adiantáronse cun penalti. Os lucenses responderon con boa actitude e conseguiron empatar o marcador. Mais nunha falta lateral directa os visitantes volveron poñerse por diante. Tralo intermedio o equipo amarelo tivo o balón, pero a falta de contundencia nas áreas penalizounos e acabaron perdendo ante un bo equipo por 1-4.
POLVORÍN 1 - 4 COMPOSTELA
SD Compostela: Lois, Pedro G, Luis F, Adrián, Martín, Antón, Santiago, Guillermo, Adrián, Mario e Andrés. Suplentes: Mikel, Nicolás, Aldán, Martín e Fabio.
Goles: Antón para o Polvorín. Pedro G, de penalti e Adrián (3) para o Compostela.
Árbitro: Abdelouadoud Boutzakate Babil.
VIVEIRO 2 - 1 VICTORIA
Victoria FC: Alejandro, Diego, Julen, Hadrián, Aldán, Martiño, Aarón, Iván, Alexandre, Lois e Ainhoa. Suplentes: Pablo, Alen, Mateo, Luis e Azucena.
Goles: Brais e Roque para o Viveiro. Alexandre para o Victoria.
Árbitro: Ángel Ron Valle.
CAMBRE 0 - 1 VILALBÉS
Rácing C Vilalbés: Alex, Julián, Hugo, Bruno, Martín, Samuel, Hugo P, Samuel L, Juan M, Nicolás e Alejandro. Suplentes: Enzo, Hugo P, David G, Aarón e Xalo.
Goles: Samuel para o Vilalbés.
Árbitro: Jose Luis Amor Vázquez.
Resultados xornada 3
| Polvorín | 1 | 4 | Compostela |
| Galicia de Caranza | 3 | 0 | Calasanz |
| Montañeros | 3 | 5 | Rácing Ferrol |
| Oza Juvenil | 3 | 2 | Boiro |
| Xuventude Oroso | 4 | 0 | Ribeira |
| Estrada | 0 | 2 | Bergantiños |
| Viveiro | 2 | 1 | Victoria |
| Vilalbés | 0 | 1 | Cambre |
Próxima xornada
| Compostela | - | - | Cambre |
| Calasanz | - | - | Polvorín |
| Rácing Ferrol | - | - | Galicia de Caranza |
| Boiro | - | - | Montañeros |
| Ribeira | - | - | Oza Juvenil |
| Bergantiños | - | - | Xuventude Oroso |
| Victoria | - | - | Estrada |
| Vilalbés | - | - | Viveiro |
Feminina Grupo Norte
Nesta ocasión, os equipos lucenses da feminina quedaron sen sumar puntos. O Milagrosa foi superado a domicilio por 4-1 contra o Pastoriza. A primeira metade as lucenses foron dominadas completamente polo conxunto local, que conseguiu poñerse 4-0 no minuto 36'. Vera recordou distancias na segunda metade, pero o Milagrosa non conseguiu meterse no partido.
O Antas desprazouse ata a provincia da Coruña para enfrontarse contra o Atlético Arteixo e caeu por 2-0. Na primeira metade o conxunto local abriu o taboleiro á media hora de partido, pero o resultado dáballe marxe ás lucenses para remontar. Porén, non conseguiron igualar o marcador e o Arteixo marcou o segundo no 77'.
PASTORIZA 4 - 1 MILAGROSA
SCD Milagrosa: Clara, Irene, Lucia, Daniela, Aurora, Paula, Noelia, Andrea, Marina, Vera e Blanca. Suplentes: Natalia, Noa, Lara e Gabriela.
Goles: Carmen C (2) e Alma (2) para o Pastoriza. Vera para o Milagrosa.
Árbitro: Martín Valiño Orgeira.
ARTEIXO 2 - 0 ANTAS
Antas SD: Camila, Ariadna, Elisa, Lara, Antía, Ainara, Esmenia, Laura, Icia, Melanie e Dana.
Goles: Yoursa e Carla para o Arteixo.
Árbitro: Andrés López López.
Resultados xornada 2
| Arzúa | 1 | 4 | Victoria |
| Atl Arteixo | 2 | 0 | Antas |
| Rosalía Mera | 1 | 5 | Cristo Rey |
| Rácing Ferrol | 11 | 0 | Torre |
| Unión Cee | 4 | 1 | Orzán B |
| Spórting Burgo | 0 | 7 | Orzán |
| Pastoriza | 4 | 1 | Milagrosa |
| D | Victoria | ||
Próxima xornada
| Arzúa | - | - | Atl Arteixo |
| Antas | - | - | Mera |
| Cristo Rey | - | - | Rácing Ferrol |
| Torre | - | - | Victoria |
| Orzán B | - | - | Burgo |
| Orzán | - | - | Pastoriza |
| Victoria | - | - | Milagrosa |
| D | Cee | ||
