O Milagrosa vence ao Friol a domicilio para estrearse na vitoria

Cadete

Coa oitava xornada da categoría cadete chegou o duelo entre o Friol e o Milagrosa. Ningun dos dous equipos conseguira puntuar ata o momento e o duelo podería virar esa mala xeira. As donas da Reigosa conseguiron empezar o partido por diante grazas a un tanto de Noelia, pero as visitantes reaccionaron e remontaron antes do descanso. Na segunda metade, Paula puxo o 1-3 no taboleiro e o Friol pareceuse enganchar co 2-3. As albivermellas non ían permitir que se lles escaparan os primeiros tres puntos e Nekane e Martina deixaron o marcador 2-5. As locais asinaron o 3-5 a través de Rebeca e, tras quedar sen tempo para máis, este foi o resultado definitivo. A vindeira fin de semana pecharase a primeira volta da liga, o Friol viaxará para enfrontarse contra o Bergantiños, mentres que o Milagrosa recibirá ao Noia.

Consulta a clasificación aquí 

FRIOL 3 - 5 MILAGROSA

Infantil 

En canto á categoría infantil, o Milagrosa caeu despois de dúas xornadas vencendo. O domingo foi superado a domicilio polo Pastoriza, líder do grupo A. As de Arteixo conseguiron adiantarse no minuto tres de partido e pecharon a primeira metade cun 2-0. Na segunda, sentenciaron o partido co terceiro tanto e aínda lograron anotar un máis. Con esta quenda as de Lugo pecharon a primeira volta no cuarto posto da clasificación e con nove puntos. A próxima fin de semana volverán a enfrontarse contra o Unión Cee, equipo que as vencera na casa por 1-4.

Consulta a clasificación aquí 

S.C.D. PASTORIZA 4 - 0 S.C.D. MILAGROSA