Tres puntos para o Lugo cadete e derrota dun Viveiro que xogou cun menos e tivo moitas opcións

División de Honra Cadete

O Lugo sumou unha nova vitoria ante o Pabellón Ourense a domicilio malia non xogar ben. Costoulles aos de Rochela, que aínda que foron fortes nas dúas áreas non dominaron defensivamente, de feito, o rival achegouse bastantes veces. Malia esta situación, foi o Lugo o que marcou en primeiro lugar, mediado o primeiro tempo, nun balón parado que remata Manuel de cabeza.

Na segunda metade o principio foi igual e eles puideron marcar nos primeiros minutos pero sería o Lugo o que se adiantaría nun pase atrás que recibe Aimar, quen recurta ante un defensa e só ante o porteiro fai o gol.

Co 0-2 o Lugo tiña máis controlado o partido e xogou os mellores minutos pero nun erro en saída de balón o Pabellón marcou o seu tanto e a partir de aí sufriron. Tiveron máis ocasións na segunda metade os albivermellos pero non foron moi claras.

Consulta aquí a clasificación

O Viveiro non puido puntuar esta fin de semana no Cantarrana, no que xogar cun menos lastroulle todo o partido, no que foi igualado ata os últimos minutos.

Os locais comezaron forte cun posible penalti a Unai que o árbitro non pitou. Non foi así nos minutos seguintes, nos que unha man involuntaria de Mauro acaba en expulsión e nun penalti que converten os visitantes.

O Viveiro seguiu xerando perigo a balón parado e así chegou o gol do empate antes do descanso. 

Na segunda parte, o seguinte gol vén dun pelotazo que o central celeste non corta e así, nun man a man de novo co porteiro, o rival volve adiantarse. O Viveiro seguiu traballando e a falta de tres minutos volveu poñer o empate no marcador pero na seguinte xogada o Bergantiños marcou o 2-3 e no desconto aínda logrou un gol máis.

PABELLÓN OURENSE 1 - 2 LUGO

VIVEIRO 2 - 4 BERGANTIÑOS

           Resultados xornada 32

Próxima xornada 

División de Honra infantil

O Lugo infantil caeu ante o Areosa por un gol e no último minuto malia que dominou todo o duelo e tivo moitas opcións de matar o partido na primeira metade.

Foi o conxunto albivermello o que abriu a conta pero xa antes tivera dous man a man co porteiro. Foi un erro deles o que propiciou o primeiro tanto, obra de Javi. Seguiron ofrecendo mans a man con opcións de marcar pero os goles non chegaron.

Así marcharon ao descanso e cun largueiro no inicio seguiron as oportunidades de matar o partido. Finalmente, de cara ao final, nun erro defensivo empatou o rival. Dani, de cabeza, estivo a piques de volver poñer o equipo por diante pero a bóla seguiu sen entrar.

A un minuto do final, Arón tivo de novo outro man a man co porteiro que acabou en córner e cando parecía que o partido ía acabar así, na última xogada, nun balón largo, despexaron mal os de Jonathan e tiveron eles ese man a man que acabou co gol da vitoria para eles.

Consulta aquí a clasificación

AREOSA 2 - 1 LUGO

           Resultados xornada 28

Próxima xornada