O Lugo cadete colleita un punto mentres o Viveiro queda a un paso do empate

División de Honra cadete

O equipo cadete do Lugo da primeira categoría sumou esta fin de semana o seu primeiro punto tralo empate co San Tirso a domicilio. Os de Fran xogaron unha primeira parte moi competida con bastantes alternativas e con momentos de bo xogo cambiando as dinámicas do outro equipo. Tiveron dúas moi boas ocasións que finalmente non culminaron en gol polo que foron ao descanso 0-0.

Na segunda, os primeiros dez minutos os albivermellos tiveron que apertar moito máis para evitar que o rival progresase. Aínda así chegou o primeiro gol, que foi empatado rapidamente. A falta de 3 minutos Valiña marca de penalti o segundo, no que parecía xa o resultado definitivo pola falta de tempo pero nunha saída de córner o San Tirso marcou o gol do empate deixando mal sabor de boca polo preto que estivo a vitoria.

Consulta aquí a clasificación

O Viveiro encaixou a terceira derrota da tempada aínda que tivo a posibilidade de puntuar moi preto pero pagou cara a páxara dos primeiros dez minutos do duelo, na que recibiu o primeiro tanto por un erro dos celestes e o segundo nun gol olímpico.

Unha vez superados os minutos iniciais, o Viveiro asentouse no campo e comezou a facer o seu xogo. Deste modo, unha saída en longo que se envenena remata no tanto de Unai, que aproxima o marcador.

No segundo tempo o Viveiro apertou máis e os xogadores acapararon o balón, co que chegaron as opcións do empate, como dous man a man de Unai, unha falta na frontal e algunha máis antes de que chegase o gol, obra de Claudio no minuto 77 nunha falta lateral lonxana que non toca ninguén e que acaba no fondo da portería rival.

Cando o Viveiro festexaba este gol, o Choco sacou de centro e, cos xogadores celestes fóra do seu sitio, nun cambio de banda logra romper o empate e subir os tres puntos a un marcador que non se moveu máis. 

SAN TIRSO 2 - 2 LUGO

CHOCO 3 - 2 VIVEIRO

                      Resultados xornada 3                                                                           

                     Próxima xornada 

División de Honra infantil

Derrota para o Lugo no seu segundo partido de Liga na División de Honra malia xogar mellor, pero lle foi imposible remontar un 0-2 en contra nos primeiros 10 minutos.

Comezaron moi fortes os do Conxo que fixeron valer a súa superioridade física durante o primeiro tramo do partido. Aínda así, non se amilanaron os de Lugo, que sufriron nese tempo ataques constantes e non conseguían sacar o balón do seu campo.

Pasado ese tempo o Lugo aproveitou para xogar máis ao espacio e chegar máis a área rival e comezar a superar ao visitante en xogo, situación que se repetiría na segunda metade. Chegou grazas a esa melloría o tanto dos locais, a cargo de Lucas, nunha falta ao bordo da área. A partir de aí o dominio foi lugués, tanto en ataque como en defensa pero o esforzo non foi recompensado con goles.

Consulta aquí a clasificación

LUGO 1 - 2 CONXO

                   Resultados xornada 2                                                                     

                     Próxima xornada