Debuta o Lugo infantil na competición cunha derrota ampla ante un duro rival

División de Honra Cadete

O Lugo sumou un punto nesta segunda xornada de Liga ante o Ural logo de empatar a uns. Na primeira media hora o Lugo estivo moi ben, dominando todas as fases do xogo, con moi bos pases e forte en defensa. Foi neses interes cando chegou o gol: un balón ao espazo de Gabri que remata por riba Hugo. De seguido, este dianteiro dispuxo doutra ocasión pero o porteiro rival estivo moi acertado.

Desde ese momento foi máis difícil dominar o xogo. De feito, a segunda parte comezou cun penalti logo dun córner, que foi onde se puxeron eles 1-1.

A partir de aí, o partido púxose algo tolo, con momentos onde o balón estaba máis en posesión do Lugo e outros do Ural. O rival non tivo moitas ocasións e o Lugo dispuxo de varias opcións con perigo pero que non conseguiron rematar de forma clara.

Consulta a clasificación aquí

LUGO 1 - 1 URAL

Duro rival para o Lugo no seu inicio de tempada. Os albivermellos enfrontáronse ante o Deportivo, co que caeron por 1-5 na Cheda.

Malia o resultado, os locais xogaron moi ben, sobre todo na primeira parte. De feito, a primeira oportunidade de gol para eles, un centro lateral que non chega a rematar o dianteiro. Ademais producíronse varias chegadas con disparos non acertados pero que plantexaban cara ao rival na frontal da área.

Foi o Deportivo o que abriu o tanteo cun gol en parado nun saque de esquina. O segundo foi unha perda de balón do Lugo que rematou nun man a man con Miguel, que perdeu a vantaxe.

Tras unha boa primeira parte pero con dous goles en contra a moral aguantou ata que entrou o terceiro tanto, tras un cambio de xogo do Dépor. O Lugo comezou a chegar tarde á presión e o 0-3 fixo moito dano ao espírito do equipo. Tralo 0-4 chegou o gol do Lugo, grazas a un penalti que converteu Óscar. Finalmente, completou o Deportivo o marcador cun pase centrado que finalizou noutro man a man con Miguel. 

A partir de aí aguantou moi ben o Lugo o envite.

Consulta a clasificación aquí

LUGO 1 - 5 DEPORTIVO

Resultados xornada 1