División de Honra Cadete
O Lugo firmou esta fin de semana na casa unha importante vitoria ante o Celta, equipo situado no posto de prata da competición.
Os de Rochela intentaron facer un xogo combinativo durante os primeiros 15 minutos e así obtiveron de renda o primeiro gol, nos minutos iniciais, que chega tras un balón que vai ao espazo e esvara un xogador do Celta polo que Diego quedou só ante o porteiro e marcou.
Despois deses primeiros minutos de xogo combinativo, o Celta deixou ver a súa superioridade física e o Lugo xogou máis pechado atrás.
No segundo tempo, o Lugo volveu marcar de inicio, nesta ocasión nun contraataque de Adrián, Raúl e Diego que finaliza Raúl só ante o porteiro.
O Celta achegouse aos dous minutos nun gol produto dun córner que mete de cabeza o dianteiro rival. Despois dese tanto ao equipo albivermello tocoulle aguantar e sufrir ata o final pero os tres puntos quedaron en Lugo. Jairo fixo dúas intervencións que evitaron o empate.
O Viveiro volveu caer esta fin de semana co Arosa por 3-0, un equipo da zona máis alta. O conxunto viveirés, que xa está descendido, dispuxo de ocasións pero non foi quen de pechar as xogadas para sumar algún gol. De feito, no primeiro tempo apertaron arriba e crearon perigo na saída de balón dando oportunidade de marcar en dúas xogadas.
Pero foi o rival o que marcou, o primeiro tanto antes do descanso nunha xogada a balón parado.
Na segunda o Viveiro non desesperou e seguiu apertando arriba pero o xogo directo do Arosa foi imbatible e meteron nunha xogada con varios atacantes. O último tanto do rival foi un balón que pasou por varios despexes e acabou entrando.
LUGO 2 - 1 CELTA
RC Celta: Borja, Anxo, Alejandro V, Alejandro B, Roi, Julián, Cristian, Raúl, Alexandre, Ángel e Pedro. Tamén xogaron Mario, Fernando, Brais e Hugo.
Goles: 1-0 (3'): Diego. 2-0 (45'): Raúl. 2-1 (47'): Ángel.
Árbitro: Francisco Ibáñez López.
AROSA 3 - 0 VIVEIRO
Viveiro CF: Eric, Justin, Mauro, Diego, Alejandro P, Unai, Iago, Claudio, Matías, Gabriel e Xoel. Tamén xogaron Saúl, Pablo, Axel e Alejandro C.
Goles: Jacobo (22'), Jorge (57') e David S (72').
Árbitro: Jorge Chan Pérez.
DIVISIÓN DE HONRA CADETE |
---|
Resultados xornada 31
Choco | 0-2 | Lérez |
Lugo | 2-1 | Celta |
Val Miñor | 1-1 | Pabellón Ourense |
Rápido de Bouzas | 1-2 | Ural |
Bergantiños | 1-5 | Conxo |
Arosa | 3-0 | Viveiro CF |
Ferrol | 2-1 | Areosa |
Pontevedra | 0-4 | Coruxo |
San Tirso | 2-1 | Victoria CF |
Xuventude Oroso | 0-3 | Deportivo |
Próxima xornada
Celta | - | Lérez |
Pabellón Ourense | - | Lugo |
Ural | - | Val Miñor |
Conxo | - | Rápido de Bouzas |
Viveiro CF | - | Bergantiños |
Areosa | - | Arosa |
Coruxo | - | Ferrol |
Victoria CF | - | Pontevedra |
Deportivo | - | San Tirso |
Xuventude Oroso | - | Choco |
División de Honra infantil
O Lugo non aproveitou para saír da zona de perigo na que se atopa e empatou esta fin de semana co Portero 2000 cun resultado de 2-2.
Partido moi desigual no que a primeira parte foi para o equipo visitante, que se puxo 2-0 cedo con dous balóns á espalda. O Lugo acabou xogando moi apresurado e non impediu que entraran os dous tantos do rival, o primeiro nunha boa transición e o segundo tras o lanzamento do porteiro rival.
O Lugo reaccionou xa antes do descanso cun golazo de Oscar. Tamén o árbitro anulou un gol co 1-2 por fóra de xogo pero Leo rematou unha bola que chegou ao segundo pau nun centro lateral para poñer o empate no marcador.
O Lugo, que estivo mellor na segunda parte, tivo moitas ocasións, con varias chegadas pero non conseguiron rematalas.
O conxunto de Jonathan enfrontarase a próxima semana a unha xornada decisiva pola súa permanencia ante o Areosa.
LUGO 2 - 2 PORTERO 2000
EF Portero 2000: Fernando, Manuel, Felipe, Hugo C, Gael, Xurxo, Santiago, Xuanchao, Santiago, Hugo R e Anxo. Tamén xogaron Héctor, Alejandro, Sergio e Roque.
Goles: 0-1 e 0-2 (20' e 36'): Xuanchao. 1-2 (39'): Óscar. 2-2 (67'): Leo.
Árbitro: David Rodríguez López.
DIVISIÓN DE HONRA INFANTIL |
---|
Resultados xornada 27
Deportivo | 4-3 | Santa Mariña |
Arosa | 0-1 | Celta |
Cidade de Ribeira | 2-1 | San Tirso |
Lugo | 2-2 | Portero 2000 |
Bergantiños | 2-2 | Areosa |
Pabellón Ourense | 6-0 | Val Miñor |
Ural | 0-0 | DSF |
Conxo | 2-2 | Victoria FC |
Próxima xornada
Celta | - | Santa Mariña |
San Tirso | - | Arosa |
Portero 2000 | - | Cidade de Ribeira |
Areosa | - | Lugo |
Val Miñor | - | Bergantiños |
DSF | - | Pabellón Ourense |
Victoria FC | - | Ural |
Conxo | - | Deportivo |