Os infantís logran unha cómoda vitoria nun partido no que sufriron e non resolveron ata o final

División de Honra Cadete

O equipo cadete do Lugo colleitou un punto esta fin de semana ante o Arosa. Foi un partido no que os de Rochela xogaron ben en defensa pero co rival máis forte en xogo directo aínda que o Lugo se levou todas as disputas.

Foron superiores os xogadores albivermellos que viron como dous tiros do rival dende lonxe acababan no largueiro como únicos sinais de perigo.

Acabaron a primeira parte sen goles pero na segunda o Lugo marcou a través dunha xogada de Andrés, que define ao pau corto e marca.

Con ese resultado aguantaron o marcador como dominadores do xogo e no minuto 7 do desconto o rival empatou nunha xogada a balón parado de córner, perdendo a ocasión de poder levarse os tres puntos. Bo resultado para os lugueses, que se enfrontaban a un dos equipos da zona alta e que manteñen unha meritoria quintar praza.

Consulta aquí a clasificación

O Viveiro sumou un punto a domicilio ao empatar co Victoria CF. Os mariñaos reciben este respaldo tímido á súa mellora do xogo nas últimas semanas. O equipo local foi o primeiro en marcar pero o Viveiro non lles deixou desfrutar do momento, xa que meteu gol aos dous minutos, resultado co que foron ao descanso. 

Esta igualdade mantívose ata o tramo final. A falta de 9 minutos o Viveiro adiántase cun gol de Xoel pero tamén nesta ocasión os festexos terminaron cedo xa que ao minuto seguinte o Victoria lograba un empate que ensombrecía a situación de vantaxe da que dispuxeron.

VICTORIA CF 2 - 2 VIVEIRO

AROSA 1 - 1 LUGO

           Resultados xornada 25

Próxima xornada  

División de Honra infantil

O Lugo sacou esta fin de semana os tres puntos ante o Cidade de Ribeira nun partido no que, malia o resultado, sufriron moito.

O rival foi o primeiro en ter opcións de gol, pero aos cinco minutos unha boa xogada de Dani pola dereita acaba en gol tras centrar aos pés de Aarón.

Seguiron como dominadores do xogo pero o árbitro anulou un golazo de Dani Abuín e tamén quedou sen entrar unha xogada de Dani Rodríguez, que mandou fóra nun man a man co porteiro rival.

Tralo descanso, na segunda parte, o colexiado anulou outro gol máis, nesta ocasión procedente dun córner. Tras estas decisións arbitrais e a situación do xogo, o partido dábase por terminado pero a dous minutos do final Brais centra a Rubén que envía a Óscar que esta vez si, mete o segundo.

E xusto antes do asubío final, entrou o terceiro, nunha acción na que Hugo Rodríguez centra pola dereita e que acaba sendo en propia porta do rival. 

Consulta aquí a clasificación

CIDADE DE RIBEIRA 0 - 3 LUGO

           Resultados xornada 22

Próxima xornada