O Lugo cadete convence ante o Rácing e o Viveiro foi derrotado no último minuto

División de Honra Cadete

3-1 venceu o Lugo cadete este sábado ao Rácing de Ferrol tras realizar un bo partido. Os de Rochela tentaron propoñer un partido combinativo mentres que o rival optou por un xogo máis directo.

Nos primeiros 15 minutos foron os visitantes os que levaron o peso, facendo dano aos locais, que aproveitaron para marcar o seu único tanto do partido, nun saque directo do porteiro, que peintea o dianteiro e só ante o porteiro, marca.

O Lugo púxose as pilas a partir de aí e fíxose coa contenda, xerando ocasións e sendo dominadores. Chegou así o primeiro gol, de Álvaro, antes da pausa, que recibe un balón de Lucas ás costas.

Na segunda seguiuse a mesma liña de partido e os dous goles que completaron a conta viñeron dun centro de Diego polo exterior que recibe Adrián só ante o porteiro, a doce minutos do final.

O último, xa contra o asubío final, foi un pase atrás que Lucas converte en gol. Aínda tiveron unha ocasión máis de marcar por medio de Aimar, que recibe pero tras un contra un co defensa rival acaba mandando o balón ao pau.

Consulta aquí a clasificación

O Viveiro deixou ir o punto que tiña no peto cun gol sobre o asubío final ante o Coruxo, co que perdeu 1-2.

O Viveiro amosou de novo un bo fútbol, cos xogadores moi ordenados e impedindo ao rival xerar ocasións mentres que os celestes si tiña oportunidades nas contras.

O gol chegou tras unha perda de balón do Viveiro cando xogaban en curto e que acaba en falta lateral. No saque, o Coruxo cólgaa ao segundo pau e malia non entrar no tiro si o fai no rexeite. Con este resultado foron ao descanso e no segundo tempo, unha xogada similar pero ao contrario trae o gol de Alejandro para os celestes. 

Cando parecía que o marcador ía quedar así, o Viveiro fixo unha xogada á contra pero non defenderon ben. O Coruxo mete o gol da viroria xusto no final mediante un centro pouco vistoso pero que acaba entrando de volea. O Viveiro sacou de medio pero o árbitro pitou o final.

VIVEIRO 1 - 2 CORUXO

LUGO 3 - 1 FERROL

           Resultados xornada 24

Próxima xornada

División de Honra infantil

O CD Lugo infantil caeu ante un dos aspirantes ao título, o Deportivo, por 3-0. Como se prevía foi un partido moi desigual na primeira metade pero non así na segunda.

Na primeira hora o conxunto local non parou e logrou facerse cos tres goles, o primeiro deles nun centro lateral desde fóra. Unha vez superados eses primeiros 30 minutos, o equipo logrou parar aos locais ata o intermedio e despois na segunda parte estiveron máis igualados. Aínda sí non tiveron moitas ocasións, agás algunha de Óscar pero que non lle reportaron perigo ao Deportivo.

Consulta aquí a clasificación

DEPORTIVO 3 - 0 LUGO

           Resultados xornada 21

Próxima xornada