Dúas vitorias moi necesarias para os dous conxuntos albivermellos na casa

División de Honra cadete

A clasificación respaldou ao Lugo na súa vitoria desta fin de semana ante o Pabellón Ourense, a cuarta do conxunto albivermello no que vai de Liga.

Os lugueses fixeron un gran partido e quedaron cun 2-1 no marcador que lles impulsa á posición número 15 da táboa. Os primeiros minutos foron de moito sufrimento ante un equipo que xogou con moita presión arriba e fixo dano provocando constantes perdas de balón e sen chegadas. Tras eses minutos iniciais, o rival deu un paso atrás e aproveitou o Lugo para atopar un xogo fluído cara arriba con Aimar e Mateo polo medio e con Valiña e Diego polas bandas.

Sorprendeu o primeiro gol, do Ourense, un tiro dende lonxe que pega no largueiro e cae nos pés do dianteiro.

Aberta a veda, non quedaría o Lugo atrás e que empata nun córner por medio de Manu Cabana.

Na segunda parte o Lugo volveu de novo liderando o xogo e sendo superiores ata no 65' e tras o gol de Aimar, nunha xogada na que quedou só diante do porteiro.

O Lugo aceptaba eses tres puntos pero o rival veuse arriba de novo polo que tivo que defender ferreamente buscando o balón longo. Aguantaron ben con varias chegadas pero ninguna con puido acabar en gol.

Consulta aquí a clasificación

O Viveiro segue sen poder puntuar e caeu ante o Bergantiños tras unha primeira parte na que os mariñaos protexeron a súa portería. Foron ao descanso 1-0 pero na segunda chegaron os outros tres tantos do rival.

LUGO 2 - 1 PABELLÓN OURENSE

BERGANTIÑOS 4 - 0 VIVEIRO

           Resultados xornada 13

Próxima xornada 

División de Honra infantil

O Lugo fíxose esta fin de semana cunha nova vitoria, a segunda, ante o San Tirso. Foi unha vitoria ampla ante un equipo da zona media que lles permite manterse lonxe da cola da clasificación.

Malia o resultado, o Lugo sufriu bastante na primeira parte, cun San Tirso que estivo moito mellor tecnicamente. Os visitantes tiveron máis o balón e os de Lugo non daban chegado a tempo.

O gol de Arón, na final da primeira parte deu un pouco de aire ao equipo, un tanto de córner.

Na segunda cambiou o conto, e o Lugo foi superior. O segundo foi un gol tras unha falta na frontal, obra de Lucas. No minuto seguinte Lucas fai o terceiro dende fóra da área. Co 3-0 o Lugo brillou no campo facendo gala dunha gran presión e roubando balóns no seu campo. Nunha falta na frontal da área o San Tirso acurta distancias, pero no tempo de desconto Daniel mete o último tanto despois dun saque dende a área.

Consulta aquí a clasificación

LUGO 4 - 1 SAN TIRSO

           Resultados xornada 11 

            Próxima xornada