Cero puntos nos casilleiros dos tres equipos das categorías de honra cadete e infantil

Na categoría cadete, o Lugo caeu ante o Xuventude Oroso nun duelo que non tivo que quedarse con este resultado mentres o Viveiro foi derrotado a domicilio polo que os dous representantes da provincia suman a segunda semana sen abrir o casilleiro dos puntos.

O Lugo plantexou un partido co obxectivo de facerse co balón pero a presión do rival arriba facía imposible aos de Fran saír na procura de opcións de marcar, porque cando o conseguían poñían en serio perigo a rede contraria.

Dous balóns ao espacio do rival por parte do seu punta Adrián trouxo dous goles para os visitantes que foron contestados polo Lugo con centro remate e cun córner. Así, co 2-2 no marcador marcharon ao descanso pero xusto á volta o Xuventude de Oroso marcaría o gol da vitoria. A partir de aí, os locais loitaron, dominaron e xeraron varias ocasións de gol pero finalmente no foi posible marcar o que deixou como fallo principal do equipo albivermello a falta de acerto na zona de finalización.

Consulta aquí a clasificación

O Viveiro volveu perder nesta segunda xornada na casa do Conxo. O Viveiro, que está recén ascendido, pagou de novo a súa inexperiencia con moitas dificultades á hora de atacar. Aínda así, fixo un bo traballo defensivamente impedindo que o rival marcase durante a primeira metade. Os mariñaos marcharon a vestiarios cun marcador que daba opcións e tras unha boa ocasión de marcar.

No segundo tempo, recibiron o primeiro tanto en contra e contestaron adiantando liñas para poder empatar e xeraron ocasións pero tiveron que encaixar o segundo no mintuo 68 nunha contra. O Viveiro quedou cun menos no campo cando a Saúl se lle subiu o xemelgo e tiveron que encaixar o terceiro tanto. 

LUGO 2 - 3 XUVENTUDE OROSO

CONXO 3 - 0 VIVEIRO CF

                   Resultados xornada 2 

                   Próxima xornada                                                                            

División de Honra infantil

O Lugo debutou na categoría con derrota pola mínima, xa que caeu ante o Victoria FC a domicilio por 1-0. Primeira xornada da nova categoría, a División de Honra infantil, que se pon en marcha este ano con 12 equipos do norte e o sur da provincia.

Consulta aquí a clasificación

Debut do equipo lugués con derrota xusto no ecuador do partido. Aos albivermellos costoulles entrar en situación neste primeiro envite. O rival superounos e ritmo e intensidade e o Lugo adoleceu de precipitación chegando ao campo contrario sen criterio.

Na segunda parte tomáronse o xogo con máis calma pero tiveron que encaixar o único tanto do partido xusto no medio, unha falta lateral que non toca ninguén e termina entrando.

O xogo foi mellorando pouco a pouco e chegaron algunhas ocasións, como unha de Dani que foi ao largueiro e outra de Unai que foi anulada por fóra de xogo. 

Os últimos dez minutos tiveron varias ocasións pero non lograron o empate.

VICTORIA FC 1 - 0 LUGO

                   Resultados xornada 1 

                   Próxima xornada