O Milagrosa conquista o choque provincial contra o Lugo con dous goles de Pablo Quintela

Comezo da tempada e comezo tamén dos esperados encontros lucenses. Esta fin de semana o Milagrosa foi quen de vencer ao Lugo no primeiro derbi, unha xornada na que o Viveiro volveu ser superado.

O enfrontamento provincial estivo moi igualado, na primeira metade ambos equipos buscaron o balón e tiveron ocasións para abrir o marcador, pero o 0-0 mantivose ata o descanso. Despois do intermedio a competitividade seguiu na mesma dinámica, o Lugo tivo varias oportunidades de Lucas, Brais e Mateo, pero foi o Milagrosa quen conseguiu abrir o marcador no 64' cun gol de Pablo Quintela tras unha acción de córner. Os visitantes seguiron achegandose á portería de Anxo, que foi clave coas suas intervencions. No tempo de desconto chegou o segundo tanto para o Milagrosa, un dobrete de Pablo que asinou de cabeza. O 2-0 deixa ao Milagrosa no sexto posto da clasificación e ao Lugo no número dez.

A nova incorporación da Galega, os da SD Viveiro, aínda non puideron ver a vitoria neste inicio de tempada. Trala derrota contra o Ural no Marcos Gómez da primeira xornada, os celestes viaxaron a Boiro, onde se enfrontaron a un moi bo equipo. A primeira metade foi competida hasta que os locais conseguen facer o primeiro gol nunha contra. Na segunda metade aos mariñaos custoulles aguantar o ritmo e no 56' recibiron o segundo tanto do Boiro. Despois de dez minutos un penalti en contra subiu o 3-0 para os locais, que seguiron levando o partido da súa man ata marcar o cuarto e definitivo nunha boa transición. Esta segunda derrota para o Viveiro colocaos no derradeiro posto da lista.

Consulta a clasificación aquí

MILAGROSA 2 - 0 LUGO

BOIRO 4 - 0 VIVEIRO

Grupo Sur

No outro grupo da Galega Cadete, o Sur, o Calasancio conseguiu a segunda vitoria do curso con goleada. Na estrea da tempada conseguiron vencer na casa ao Rápido Pereiro e nesta ocasión viaxaron ata a Guardia para marcarlle un 0-5 ao Spórting. A primeira metade estivo marcada pola expulsión de Gabri, que lles fixo sufrir ata o descanso. No segundo tempo a entrada de Javi, Mateo e Julio fixolles asentarse no campo e comezaron a xerar perigo polas bandas. Iván abriu o marcador nunha falta directa e pouco despois Juan fíxo o segundo. Mateo foi o encargado de asinar o 0-3 e en menos de cinco minutos chega o cuarto nunha acción a balón parado que remata Noé. Co partido controlado, Izan culmina co 0-5 despois de regatear ao porteiro rival. Polo momento, os monfortinos ocupan a segunda posición da clasificación, por debaixo do Arosa e por riba do Celta B.

Consulta a clasificación aquí

GUARDÉS 0 - 5 CALASANCIO