Play off Ascenso
Esta fin de semana celebrouse o primeiro encontro da final polo ascenso e o Pontenova está máis preto da Primeira. Os da Mariña gañaron na Mina ao Rácing Vilalbés B por 3-0 nun choque no que superaron ao rival nos duelos individuais. Na liga regular os do Spórting caeran contra os chairegos no duelo de ida e empataran na ida, pero esta vez por fin foron quen de superalos. Hugo abriu o marcador no minuto 35 e co 1-0 se foi o partido ao descanso. O Vilalbés tivo un penalti que non conseguiu materializar, que puido cambiar o destino do partido. Porén, no segundo tempo os locais tiveron moitas oportunidades e Francisco conseguiu facer o segundo gol para o Pontenova. Na recta final do duelo, volveu aparecer Hugo para pechar o resultado co 3-0 definitivo.
PONTENOVA 3 - 0 VILALBÉS B
Rácing Club Vilalbés B: Íker, Antonio, Sergio, Miguel, Miguel F, Anxo, Eduardo, Álex, Reda, Luis E e Sergio V. Tamén xogaron Sergio D e Paulo.
Goles: 1-0 (35'): Hugo. 2-0 (53'): Francisco. 3-0 (86'): Hugo.
Árbitro: Ángel Ron Valle.
XUVENIL SEGUNDA GALICIA LUGO - PLAY OFF ASCENSO |
---|
Pontenova | 2-0 | Palas |
Sagrado Corazón | 0-2 | Vilalbés B |
Palas | 2-1 | Pontenova |
Vilalbés B | 1-1 | Sagrado Corazón |
Pontenova | 3-0 | Vilalbés B |
Vilalbés B | - | Pontenova |
Torneo Delegación
GRUPO 2
No Torneo Delegación varios grupos aprazaron os seus encontros desta terceira xornada. No caso do grupo 2 os dous encontros foron adiados. O Cospeito tíñase que enfrontar contra o Burela e o Iberia recibiría ao Lourenzá. Ambos os encontros quedan citados para o vindeiro 8 de abril. A vindeira fin de semana xogarán o Cospeito e o Burela contra o Iberia e o Lourenzá.
XUVENIL SEGUNDA GALICIA LUGO - TORNEO DELEGACIÓN GRUPO 2 |
---|
Cospeito | A | Burela |
Iberia | A | Lourenzá |
Cospeito | - | Iberia |
Burela | - | Lourenzá |
GRUPO 3
No grupo 3 si que se celebrou o encontro entre o San Ciprián e o Meira. Nun duelo no que se impuxeron os ataques ás defensas, o marcador quedou cun avultado 6-5. Os locais empezaron mandando e no minuto 11 xa ían 3-0. O Meira conseguiu apertarlles e empataron o partido á media hora. O San Ciprián volveu poñerse pr diante, pero no 66' o 5-5 subiu ao electrónico. Cando parecía que o duelo remataría en táboas un gol de Hugo nos últimos minutos do encontro deulle os tres puntos ao cadro da Veiga.
SAN CIPRIÁN 6 - 5 MEIRA
Meira CF: Samuel, Diego, Iago, Sergio, Ricardo, Marco, Kevin, David, Víctor, Álvaro e Diego S. Tamén xogaron Javier, Younes, Ramón, José e Adrián.
Goles: 0-1 (2'): Kevin. 0-2 (6'): Kevin. 0-3 (11'): Kevin. 1-3 (22'): Aleixo. 2-3 (28'): Oscar. 3-3 (33'): Alejandro. 3-4 (35'): Diego S. 3-5 (41'): David. 4-5 (55'): Iván P. 5-5 (66'): Danielson. 6-5 (89'): Hugo.
Árbitro: Oscar Leal Montesinos.
XUVENIL SEGUNDA GALICIA LUGO - TORNEO DELEGACIÓN GRUPO 3 |
---|
San Ciprián | 6-5 | Meira |
D | Viveiro |
San Ciprián | - | Viveiro |
D | Meira |
GRUPO 4
No caso do grupo 4, celebrouse un duelo e aprazouse outro. Saíron ao verde do Luís Gorgoso a Ferroviaria e o San Roque e foron os locais quen conseguiron os tres puntos pola mínima. Iñaki abriu o marcador ao final da primeira parte, pero Aarón conseguiu o 1-1 en pouco tempo. Despois de tres amarelas, o San Roque conseguiu levarse o triunfo co 1-2 de Lucas. Os tres puntos os pon no segundo posto, detrás do Antas, que aprazou o duelo contra o Polvorín para o 10 de abril.
FERROVIARIA 1 - 2 SAN ROQUE
SDC San Roque: Antón, Houssame, Adam, Mohamed, Nicolás, Nabil, Manuel, Aaron, Hugo, Adrián e Aaron G. Tamén xogaron Lucas, José L e Martín.
Goles: 1-0 (43'): Iñaki. 1-1 (43'): Aaron G. 1-2 (89'): Lucas.
Árbitro: Anai Vázquez Expósito.
XUVENIL SEGUNDA GALICIA LUGO - TORNEO DELEGACIÓN GRUPO 4 |
---|
Ferroviaria | - | San Roque |
Polvorín | A | Antas |
Ferroviaria | - | Polvorín |
San Roque | - | Antas |
GRUPO 5
En canto á xornada do grupo 5, o Taboada e o Guitiriz celebraran o seu duelo o 7 de abril. A Piringalla, cun partido máis, lidera a clasificación e xogará coma visitante a vindeira fin de semana contra o Taboada.
XUVENIL SEGUNDA GALICIA LUGO - TORNEO DELEGACIÓN GRUPO 5 |
---|
Taboada | A | Guitiriz |
D | A Piringalla B |
Taboada | - | A Piringalla B |
D | Guitiriz |