A Segunda xuvenil lucense comezará a segunda fase a vindeira fin de semana

A pasada fin de semana pechouse a liga regular da Segunda xuvenil, o Burela e o Antas conseguiron o acceso directo ao rematar líderes de cada grupo, pero aínda queda por decidir quen os acompañará a vindeira tempada na Primeira. O Vilalbés B e o Pontenova quedaron no segundo e terceiro posto do grupo norte e o Palas e o Sagrado Corazón no grupo sur, polo que os catro equipos disputaran o play off de ascenso. A eliminatoria comezará a vindeira fin de semana coas semifinais, que serán a ida e volta. O Pontenova recibirá ao Palas e o Sagrado Corazón ao Vilalbés B. Á vez, o resto dos equipos da categoría comezarán a disputar o Torneo Delegación, que comezará xogándose en catro grupos nos que se disputarán seis xornadas.