A Piringalla e a Sarriana volven triunfar e certifican o pase á final polo ascenso

Playoff Ascenso

A Piringalla e a Sarriana eran os claros favoritos despois de conseguir impoñerse a domicilio nos duelos de ida das semifinais. Esta fin de semana certificaron o pase á final con dúas novas vitorias coma locais. Os da Piringalla conseguiron gañar ao Polvorín coa mesma diferenza que na ida. Á media hora de partido foron os amarelos quen abriron o marcador, pero en pouco chegou Cristobal para empatar o partido. No segundo tempo Miguel adiantaba á Piringalla e dous coles máis sentenciaron a eliminatoria.

Cunha bancada repleta na Ribela, a Sarriana recibiu ao Becerreá e conseguiu levarse o partido con dous goles que tardaron en chegar. Despois dunha primeira parte igualada onde faltou efectividade, nos últimos 20 minutos do encontro chegaron os goles de Adrián e Nicolás para darlle a vitoria á Sarriana. A vindeira fin de semana serán precisamente os brancos quen actúen coma locais ante A Piringalla, para disputar o partido de ida da final polo ascenso.

Consulta a clasificación aquí

A PIRINGALLA 4 - 1 POLVORÍN

SARRIANA 2 - 0 BECERREÁ

Torneo Delegación

Pasando a falar do Torneo Delegación, o Residencia B segue á cabeza malia que rematou en empate contra o Casás. O duelo celebrado no Rodríguez Lago comezou cun gol dos locais, pero os branquiazuis conseguiron o partido marcando o 2-1 no minuto 45. Na segunda metade, Aymane puxo de novo as táboas no marcador e o 2-2 chegou á recta final do partido. Nos últimos minutos o Residencia foi quen de meter o 2-3, pero o Casás volveu aparecer para sentenciar o partido co 3-3 definitivo.

O duelo entre o Castro e o Foz foi ben diferente, xa que os vermellos se impuxeron con facilitade aos da Mariña. O Castro pechou a primeira parte 3-0 e seguiu encontrando a portería rival ata conseguir un resultado de 6-1. A vitoria deulles así o terceiro posto da lista, por diante dos focenses.

Consulta a clasificación aquí

CASTRO 6 - 1 FOZ

 CASÁS 3 - 3 RESIDENCIA B