O Keeper Galicia xa é o líder da categoría superior xuvenil e o Ribeira, prata da cadete, golea

División de Honra Xuvenil

O Keeper Galicia púxose líder da categoría nacional de Fútbol Sala xuvenil cunha apertadísima vitoria sobre o Trepalio de León. Os lugueses xogaron os primeiros minutos mellor pero o rival foi máis efectivo. De feito, o ataque non facía dano ao rival e os brancos sufrían no seu xogo directo. Chegaron ao descanso 2-3 pero na segunda melloraron diferentes aspectos aínda que o marcador non se moveur ata que nun momento que o partido se volveu tolo Teo marcou os dous goles que lles daban a vitoria.

Consulta aquí a clasificación

Moita peor fortuna tivo o Ribeira, que caeu co 5 Coruña a domicilio cunha avultada goleada. Malia o resultado, o partido estivo moi igualado na primeira metade grazas ao excelente traballo do porteiro ribeirao. Tamén os lucenses abriron o marcador no minuto 14 pero chegaron empatados ao descanso. O local adiantouse ao pooco de retomar a segunda parte e mantivo o marcador ata preto do final cando os desencontros arbitrais, con amonestacións aos dous técnicos e a varios xogadores así como a expulsión de tres xogadores ribeiraos e tres dobres penaltis descontrolaron o marcador dende o 2-2 ao ata 8-2 en 6 minutos.

Aínda así, o Ribeira está a mostrar unha gran melloría na defensa aínda que ten que adaptarse á categoría, na que é necesario xestionar as emocións. 

KEEPER GALICIA 4 - 3 TREPALIO

5 CORUÑA 8 - 2 RIBEIRA

                 Resultados xornada 5     

                 Próxima xornada 

División de Honra Cadete

O Ribeira mantén o seu asalto ao liderado cunha apabullante vitoria esta fin de semana a domicilio co Sala Ourense, ao que goleou 0-8. Os de César foron claramente superiores ao rival e esa superioridade traduciuse en algo de desidia na primeira metade, na que só lograron marcar un gol.

Tralo paso por vestiarios cambiou o conto, o Ribeira recuperou o ritmo e marcou nos primeiros cinco minutos catro goles. Os outros tres virían xa no tramo final.

Goleada tamén, pero en contra, do Burela co Parrulo, que dominou o duelo dende o principio. Malia que o Burela igualou o marcador no minuto 18, o local fíxose forte no seu campo para coller vantaxe ata o 3-1 co que se chegou ao descanso.

Á volta, un gol en propia do Burela non axudou no seu plan de recuperar as rendas do duelo e acabou caendo 7-1. 

Consulta aquí a clasificación

O perdedor da xornada foi o Keeper Galicia, que caeu contra o Stellae na casa. Xogaron unha primeira metade moi igualada onde os equipos fóronse tanteando pero o rival adiantouse cedo. Os brancos non se viñeron abaixo e nunha boa xogada colectiva coroada por Hugo Sanfiz logran o empate, pero poco durou a ledicia, xa que o visitante suma o segundo antes da pausa.

Nada máis reiniciarse o duelo, o Stellae volve marcar e un Lugo algo tocado defende como pode ata que nunha boa xogada o porteiro visitante sae da área e toca coa man, polo que Hugo fai o segundo tanto. 

Unha agresión en pista deriva nunha superioridade numérica para os brancos que non saben aproveitar polo que optan por porteiro xogador pero a falta dun minuto, nunha indecisión, o rival rouba o balón e fai o 2-4.

KEEPER GALICIA 2 - 4 STELLAE

PARRULO 7 - 1 BURELA

SALA OURENSE 0 - 8 RIBEIRA

                Resultados xornada 5                                                  

                Próxima xornada