División de Honra Xuvenil
O Keeper Galicia posiciónase despois de tres xornadas disputadas no terceiro lugar da táboa tras vencer na casa ao Vigo 2015, o colista da clasificación. Os de Álvaro Julio xogaron un partido que estivo máis igualado en resultados na primeira metade, na que o xogo estivo de cara aos brancos pero a eficacia no gol foi máis cousa do Vigo.
A segunda parte iniciouse cun gol visitante que empataba o partido a 3 pero a partir dese momento o Lugo Sala distanciouse no marcador sin ver perigar o resultado en ningún momento.
Pola súa banda, o Ribeira, que só xogou dous partidos e aínda non puntuou, caeu de forma abrumadora (14-3) ante o líder, o Valladolid, a domicilio. Os ribeiraos encaixaron os tres primeiros en contra en 10 minutos e aínda que marcaron no minuto 11, foron suxeitando o resultado ata o descanso, ao que chegaron 5-2. Foi xusto á volta cando o Ribeira non puido parar o avance do Valladolid, que marcou en dez minutos outros 5 tantos, deixando aos visitantes pechar a conta no minuto 36 co terceiro.
KEEPER GALICIA 7 - 4 VIGO
ED Vigo 2015: Anxo (1), Pere, Pedro, Alejandro, Darío (1), Pablo, Daniel, Tomás (2), Izan e Diego.
Cancha: Municipal de Lugo.
VALLADOLID 14 - 3 RIBEIRA
Club Ribeira FS: Unai (1), Xabier, Mael (1), Antón (1), José Manuel, David, Alejandro, Érik, Jeray e Gabriel.
Cancha: Parquesol.
DIVISIÓN DE HONRA XUVENIL |
---|
Resultados xornada 3
Salamanca | 3-2 | Laguna |
Keeper Galicia | 7-4 | Vigo |
Zamora | 4-6 | Parrulo |
5 Coruña | 6-1 | Trepalio |
Pontevedra | 9-3 | Tres Columnas |
Valladolid | 14-3 | Ribeira |
D | Segovia |
Próxima xornada
Vigo | - | Salamanca |
Parrulo | - | Keeper Galicia |
Trepalio | - | Zamora |
Tres Columnas | - | 5 Coruña |
Ribeira | - | Pontevedra |
Segovia | - | Valladolid |
D | Laguna |
División de Honra Cadete
O Burela e o Ribeira sumaron esta fin de semana os primeiros tres puntos, xa que os mariñaos viñan de empatar e os ribeiraos aínda non se estrearan na competición.
Os da Mariña venceron 2-4 ao Bueu. Foron moi superiores en todo o partido no que a falta de acerto de cara á portería rival non lles permitiu sacar un marcador moito máis amplo. Tiraron 6 postes e fallaron 3 a portería vacía. A segunda parte, que comezou co empate no marcador, caracterizouse por unha boa intensidade e ritmo de xogo por parte dos laranxas.
O Ribeira, que viña de descansar nas dúas primeiras xornadas debido á retirada de varios equipos, debutou con vitoria ante o 5 Coruña.
Saíron moi ben, aínda que con algunhas imprecisións por falta de xogo, en especial nos pases e nos controis, pero aínda así, saíron dominando o partido con ocasións claras de marcar pero foi un gol en propia o que abriu o marcador. Aproveitaron antes do descanso un erro deles nun balón longo e empataron a portería baleira. Volveron ter ocasións pero foi o rival o que marcou antes da pausa,
Na segunda, o Ribeira saiu a por todas e empataron a 2 sen deixar pasar ao rival do medio do campo. Así chegou a remontada e co 4-2 baixaron un pouco o ritmo e aínda que o 5 Coruña apertou, meteron o quinto.
No apartado de derrotas, o Keeper Galicia caeu ante o poderoso Parrulo, un rival duro e esixente fisicamente que ademais estaba moi ben colocado en defensa e con xogadores fortes no ataque. Os primeiros 10 minutos os brancos levaron o peso do partido con ocasións para poñerse por diante, pero a medida que foi pasando o tempo o conto cambiou e aos lugueses custáballes máis chegar á zona de finalización. Finalmente, o Parrulo abriu o marcador cun único gol co que se chegou ao descanso.
Á volta, o Parrulo deu o mellor de si en defensa cun porteiro que neutralizou todas as xogadas de ataque. O Lugo Sala volveu encaixar a balón parado e nos minutos finais, co 5 para 4 recibiron o terceiro.
PARRULO A 3 - 0 KEEPER GALICIA
ADC Lugo Sala Keeper Galicia: Alejandro, Hugo S, Javier, Iago, Marcos, Adrián, Antón, Jesús, Brais e Javier.
Cancha: Municipal Esteiro.
BUEU 2 - 4 BURELA
Pescados Rubén Burela: Brais, Mateo (1), David (1), Iago D, Iago L (1), Unai, Borja, Walter, Pedro, Jocelino e Hugo. Un en propia do rival.
Cancha: Municipal de Bueu.
RIBEIRA 5 - 2 5 CORUÑA
Academia 5 Coruña FS: Miguel, Leo, Tomás, Pablo, Aarón (1), Nicolás, Alejandro, Manuel, Brais, Iago e Rodrigo. Un en propia do rival.
Cancha: Municipal de Lugo.
DIVISIÓN DE HONRA CADETE |
---|
Resultados xornada 3
Parrulo A | 3-0 | Keeper Galicia |
Hércules | 2-4 | Stellae |
Bueu | 2-4 | Burela |
Ribeira | 5-2 | 5 Coruña |
Sala Ourense | 1-6 | Narón |
D | Ventorrillo |
Próxima xornada
Keeper Galicia | - | Sala Ourense |
Stellae | - | Parrulo A |
Burela | - | Hércules |
5 Coruña | - | Ventorrillo |
Narón | - | Ribeira |
D | Bueu |