O Burela perde o liderado cadete nun mal partido e o Ribeira achégase cunha goleada

División de Honra Xuvenil

A competición retomarase a fin de semana próxima xa que deixáronse libres estas dúas fins de semana para as competicións nacionais. O Keeper Galicia ocupa unha cómoda quinta praza mentres o Ribeira está no primeiro escano do descenso.

Consulta aquí a clasificación

Próxima xornada (18/02)

División de Honra Cadete

O Ribeira aproveitou a xornada para achegarse aos postos altos aproveitando ao derrota do Burela que cae á segunda praza.

O equipo laranxa non estivo moi ben e non foi quen de facer fronte a un Parrulo A que acudiu ao partido a por todas. Na primeira parte estiveron ben os de Fustes, xa que xogaron, levaron a iniciativa e firmaron un 3-1 no marcador que daba seguridade. Sen embargo na segunda houbo unha caída xeralizada do xogo, seguindo a dinámica dos últimos partidos. Deste modo, o marcador deu a volta e deixaron ir o partido, con dous goles do rival  nos últimos minutos cando todo parecía decidido xa.

Consulta aquí a clasificación

Achégase polo tanto o Ribeira, que esta fin de semana si aproveitou a ocasión para levarse os tres puntos que lle permiten poñerse a tiro de pedra do liderado, do que o separan dous puntos.

Os ribeiraos enfrontáronse a un equipo de abaixo, o Sala Ourense, e notouse o cambio de ritmo do Ribeira, que xa recupera algúns dos xogadores que tiña de baixa para finalizar 8-2.

Foron inclementes os locais que marcaron dous goles xa nos dous primeiros minutos, obra de Saúl. Antes do descanso xa estaban 5-1 e tras regresar e xusto volver marcar, remataron a conta nos minutos finais.

Na parte morna da táboa queda o Keeper Galicia, que caeu derrotado ante o novo líder do grupo, o Stellae. Acudiu á cita novamente con moitas baixas o equipo lugués pero non se amilanaron os brancos ante o rival e pecharon filas para lograr o obxectivo de deixar a portería a cero.

Non puido ser así. Concederon moito polo que ao final encaixaron tres goles antes da pausa. Nunha superioridade logran marcar arriscando en defensa e acaban sacando porteiro xogador para ter máis posesión pero nun erro encaixan o cuarto, o cual sentencia o partido. A falta de segundos e co porteiro xogador marca o Stellae o último.

STELLAE 5 - 1 KEEPER GALICIA

BURELA 5 - 7 PARRULO

RIBEIRA 8 - 2 SALA OURENSE

                Resultados xornada 18

Próxima xornada