O Ribeira perdeu a ocasión de recuperar o liderado cadete nunha xornada aciaga para os da provincia

División de Honra Xuvenil

Hoxe tocaba descansar na categoría debido á celebración da Copa de España en Granada, sen participación luguesa. En principio están previstas dúas semanas de pausa, pero adiantáronse cinco partidos da xornada 19, prevista para o 3 de marzo. 

O Ribeira foi un dos que non adiantou pero si o fixo o Keeper Galicia, que venceu na casa ao Tres Columnas (4-3). Na primeira parte foron claros dominadores os brancos pero non acababan de rematar a gol as oportunidades das que dispoñían polo que foi o rival o que se puxo por diante, aínda que o Lugo Sala recuperou antes da pausa co 3-2.

Na segunda, non mudou o guión e faltou definición polo que o resultado apertouse ao final aínda que se levaron os tres puntos malia o sufrimento dos minutos finais.

KEEPER GALICIA 4 - 3 TRES COLUMNAS

Consulta aquí a clasificación

Resultados xornada 19 adiantada

Próxima xornada (18/02)

División de Honra Cadete

Tres derrotas para a provincia na categoría. Perdeu o líder, que aínda así mantén posición e tamén o Ribeira, que tiña opcións de facerse coa praza na que se mantivo varias semanas na primeira volta.

O Burela caeu co Hércules a domicilio 4-2. Os burelaos dominaron na primeira parte e de feito foron ao descanso 0-1 e tras deixar pasar ocasións para un marcador máis amplo.

Na segunda parte saíron durmidos e, axudados por unha discutida actuación arbitral no que ía ser o 3-3, decantou o partido para o lado local, que tamén foi mellor no segundo tempo.

O Ribeira non foi quen de aproveitar a vantaxe que se lle presentou coa derrota do Burela e tamén caeu derrotado ante o Narón por 3-4. 

Empezaron ben os de Lugo que dispuxeron de tres ocasións que foron ao pau. Tras 20 minutos de seca no marcador o Narón abriu a conta no primeiro tiro a porta e a partir de aí púxose por diante, co segundo gol antes da pausa. No regreso, o Ribeira comezou marcando pero o rival abriu fenda ata o 1-4. IS de César aproveitaron os minutos finais para achegarse ata o 3-4 e houbo opcións de marcar pero ao final non lograron o empate.

Adolecen os ribeirais nesta queda da competición de numerosas baixas.

Consulta aquí a clasificación

Situado na zona morna da táboa, o Keeper Galicia caeu esta fin de semana derrotado ante o Sala Galicia, penúltimo na táboa. Foi para os brancos o peor partido da tempada e pasaron factura as numerosas baixas e a pouca ansia coa que acudiron ao duelo.

A mala defensa e un continuo mal ataque deixou ao equipo ao descanso 3-1 no marcador. Na segunda intentaron buscar solucións e aportar alternativas pero a falta de actitude non lle permitiu ao equipo levantar o resultado, que se avultou ata o 6-2 no final.

SALA OURENSE 6 - 2 KEEPER GALICIA

HÉRCULES 4 - 2 BURELA

RIBEIRA 3 - 4 NARÓN

                Resultados xornada 17

                    Próxima xornada