lunes. 23.11.2020 |
El tiempo
lunes. 23.11.2020
El tiempo

Lugo aproba prolongar ata 2021 a celebración de Letras Galegas

Maite Ferreiro. SEBAS SENANDE
Maite Ferreiro. SEBAS SENANDE
“As distintas medidas derivadas da crise sanitaria impediron conmemorar a Carvalho Calero”, dixo a  edila de Cultura, Maite Ferreiro

O pleno do Concello de Lugo aprobou a iniciativa do BNG para prolongar ata 2021 o Día das Letras  Galegas dedicado a Carvalho Calero, ao considerar que “o confinamento e as distintas medidas posteriores impediron conmemorar” como se merece a efeméride dedicada á súa figura.

“As distintas medidas derivadas da crise sanitaria impediron conmemorar a Carvalho Calero”, dixo a  edila de Cultura, Maite Ferreiro, quen lembrou que esas restricións “afectaron ás distintas actividades socioculturais vinculadas á celebración das Letras  Galegas, especialmente no ámbito da educación”.

O acordo plenario será trasladado agora á Real Academia Galega e á Xunta de Galicia.

“Resulta evidente que, no último trimestre do ano e sen plenas garantías sanitarias, a crise provocada polo Covid-19 fai imposible o desenvolvemento do ano de Carvalho Calero con normalidade”, dixo Ferreiro.

Lugo aproba prolongar ata 2021 a celebración de Letras Galegas
Comentarios