lunes. 06.12.2021 |
El tiempo
lunes. 06.12.2021
El tiempo

La Festa da Filloa de Lestedo incorporará 'pronto' nueva tecnología

filloa_lestedo_dentro.jpg
filloa_lestedo_dentro.jpg

A Festa dá Filloa de Lestedo, que cada domingo de piñata se celebra no concello de Boqueixón, incluirá proximamente, ''aínda que non sabemos cando'', unha segunda máquina para a elaboración da sobremesa. Actualmente contan cunha, fabricada polo veciño de Boqueixón, Orlando Vázquez, capaz de producir 1.600 filloas cada hora.

O concelleiro José Manuel Igrexas asegurou que a pesar de ser unha innovación tecnolóxica, ''mantén absolutamente o proceso tradicional de elaboración da filloa'' para que todos os asistentes poidan gozar do prato fresco. Así, a segunda máquina será diferente pero seguirá a premisa de producir a sobremesa do xeito que sempre se fixo, ''coma se fosen feitas nun filloeiro''.

A XXVI Festa dá Filloa presentouse en Santiago e nela estiveron presentes o concelleiro, o alcalde de Boqueixón, Adolfo Gacio Vázquez; o director xeral de Turismo, Rubén Lois; e o 'Rei dás Tortas de Boqueixón' (tal e como o presentou o alcalde) e inventor de ambas as máquinas, Orlando Vázquez. Durante o acto, José Manuel Igrexas quixo recordar que a ''singularidade'' da festa é que resalta a ''sobremesa galega por excelencia''.

Tecnoloxía e gastronomía tradicional
Desde o concello consideran que a Festa dá Filloa é ''diferente'' aos demais acontecementos gastronómicos de Galicia; precisamente porque ''conxuga avances tecnolóxicos'', coa tradición gastronómica e cultural galega. A Festa dá Filloa deste ano constituirá a edición número 26 dunha celebración que xa está ''perfectamente consolidada'' e que o ano pasado foi declarada ''festa de interese turístico''.

A cita terá lugar na parroquia de Lestedo o próximo día 1 de marzo; dato que os presentes aproveitaron para animar á xente a que asista posto que ese día ''teñen que saír de casa'' para exercer o dereito ao voto.

Prolongación do Antroido
A Festa dá Filloa de Lestedo, que se celebra cada ano no domingo de piñata, naceu no ano 1984 da man dun grupo de veciños que ''decidiron prolongar o Antroido da Ulla'' e enxalzar, deste xeito, a sobremesa carnavaleira por excelencia.

Como novidade nesta edición, a cantante (e veciña de Boqueixón) Sabela será a encargada de dar o pregón. A corporación municipal sente ''moi orgullosa'' de que a coñecida intérprete acceda a inaugurar a festa.

La Festa da Filloa de Lestedo incorporará 'pronto' nueva tecnología
Comentarios