La corrupción llega al cine

Drogas, armas, corrupción, prostitución, apostas... o mundo dos gángsters regresa ás pantallas de cine da man de Ruben Fleischer, que dirixe a Sean Penn en Gangster Squad, unha película localizada nos ambientes turbios dos anos 40 e 50 nos Estados Unidos que conta as aventuras do mafioso Mickey Cohen (Sean Penn), que goberna Chicaco con man de ferro. Fronte a el, a brigada de elite Gangster Squad tratará de facerlle fronte, ao máis puro estilo de Eliot Ness e Capone. De feito, lembra outros filmes do xénero.

Outra aterraxe americana desta fin de semana é Las ventajas de ser un marginado, un drama duro dirixido por Stephen Chbosky no que Logan Lerman interpreta un mozo marxinado, tímido, que escribe unha serie de cartas a unha persoa sen identificar nas que aborda asuntos como  a amizade, os conflitos familiares, as primeiras citas, o sexo ou as drogas. Entón, aparece na súa vida o seu primeiro amor (Emma Watson), xusto mesturado co suicidio do seu mellor amigo e coa súa propia enfermidade mental.

Por último, non falta o terror nas estreas de hoxe, coa obra canadiense Mamá, de Andrés Muschietti e con coprodución española. Jessica Chastain e Nikolaj Coster-Waldau protagonizan cen minutos de tensión nos que o espectador levará algún que outro susto, pero que non chegará a pasar medo puro nin moito menos noxo en ningún intre. Ingredientes tenos todos: dúas nenas cun pasado escuro, unha nova familia que as adopta e alguén, puro misterio, que aínda as ven arroupar todas as noites na súa cama.